Eden Hazard ka pasur një sezon debutues te Real Madridi të goditur nga lëndimet, gjë që ka çuar belgun të pranojë se nuk ka qenë ashtu siç donte.

Lëndimi i tij i fundit në këmbë kundër Levantes më 22 shkurt, kërkoi operacion dhe mendohej se e kishte përjashtuar atë në mënyrë efektive për pjesën tjetër të sezonit para pushimit të zbatuar nga coronavirusi.

Megjithatë, Hazard po mendon vetëm për sezonin 2020/21, pasi sipas tij ky sezon ka qenë i keq.

Hazard operohet me sukses në Dallas, mund të jetë gati për fundin e sezonit Hazard operohet me sukses në Dallas, mund të jetë gati për fundin e sezonit

“Sezoni im i parë në Madrid ka qenë i keq nga të gjitha gjërat”, ka thënë fillimisht Hazard në një intervistë për RTBF.

“Ka qenë një sezon i adaptimit. Do të gjykohem në sezonin e dytë”.

“Varet nga unë që të jem në gjendje të mirë vitin tjetër”.

“Grupi është i mirë; ka qenë një përvojë e shkëlqyer për mua. Më mbeten akoma katër vjet në kontratën time”, përfundoi belgu. /Telegrafi/