Houston Rockets ka vazhduar shkëlqimin në NBA.
Në ndeshjen ndaj Denver Nuggets, 'Raketat' kanë marrë fitoren e 12-të radhazi në NBA duke triumfuar 119-115.
Qysh në çerekun e parë Houston tregoi superioritet në parket duke triumfuar me 13 pikë epërsi 38-25.
Pjesa e parë e ndeshjes përfundoi me epërsinë e Rockets prej 14 pikëve 66-52.
Deri në fund të ndeshjes djelmoshat e Mike D'Antoni e menaxhuan mirë epërsinë.
James Harden si gjithmonë ishte më efikasi për Rockets ku shënoi 41 pikë pati shtatë asistime dhe kapi tetë topa nën tabelë.
Me paraqitje të mirë u dalluan edhe Chris Paul me 23 pikë e gjashtë asistime si dhe Trevor Ariza që shtoi 15 pikë të tjera.
Willy Barton tek Denver ishte më efikasi me 25 pikë e gjashtë asistime ndërsa Jamal Murray shtoi 19 të tjera.
Houston tani ka marrë pozitën e parë në Konferencën e Perëndimit ndërsa Nuggets ndodhet në të tetën. /Telegrafi/ Rezultatet:
Charlotte Hornets - Detroit Pistons 114 - 98
Milwauke Bucks - New Orleans Pelicans 121 - 123 (ot)
Cleveland Cavaliers - San Antonio Spurs 94 - 110
Denver Nuggets - Houston Rockets 114 - 119
Washington Wizards - Philadelphia 76ers 109 - 94
