Lewis Hamilton ka triumfuar në garën e mbajtur për Çmimin e madh të Spanjës.

Piloti britanik i Mercedesit ka arritut të bëjë një garë të madhe dhe të triumfojë në fund në garën e Spanjës.

Edhe pse nuk e nisi i pari garë, Hamilton arriti të rikuperoj një pozitë dhe ta rrëmbej pozitën e parë pas 66 gjirove, duke marr fitoren e tretë në vitin 2019.

Në këtë garë, Hamilton arriti ta lë pas vete shokun e skuadrës, Valteri Bottas, i cili përfundoi i dyti dhe kjo ishte gara e pestë që pilotët e Mercedesit marrin dy pozitat e parë.

Në vendin e tretë në garën e Spanjës arriti të renditet piloti i Red Bullit, Max Verstappen, ndërsa vendi i katërt dhe pestë shkoi për dyshen e Ferrarit, Sebastian Vettel dhe Leclerc.

Gara e radhës do të mbahet në Monaco apo në cirkuitin e Monte Carlos me datë 26 maj. /Telegrafi/