Mbrojtësi Florent Hadergjonaj ka folur pas humbjes nga Suedia duke thënë se ekipi i Kosovës ka mundur të bënte më shumë.

Kosova u mposht nga Suedia me rezultat të thellë 3-0 në kuadër të ndeshjeve kualifikuese të Grupit B për Kupën e Botës “Katar 2022”.

Golat në këtë fitore të Suedisë u shënuan nga Emil Forsberg (29’), Aleksander Isak (62’) dhe Robin Quaison (79’).

Suedi 3-0 Kosovë, notat e lojtarëve - Isak më i miri, Vojvoda më i dobëti Suedi 3-0 Kosovë, notat e lojtarëve - Isak më i miri, Vojvoda më i dobëti

Pas humbjes ka folur mbrojtësi anësor, Hadergjonaj, i cili ka thënë se Suedia ishte shumë e fortë, por Kosova mund të bënte më shumë.

“Pas ndeshjes është më e lehtë për të analizuar, përse nuk e bëmë këtë apo përse nuk e bëmë atë. Por, ne të gjithë si ekip e dimë që kemi mundur më shumë”, ka thënë fillimisht Hadergjonaj pas ndeshjes.

Reklama
Reklama

“Në pjesën e dytë patëm raste në 15-20 minutat e parë, i patëm disa raste të mira, rrezikuam, e gjetëm edhe golin por ishte pozitë jashtë lojë”.

Amir Rrahmani pas humbjes nga Suedia: Sfida u vendos nga dy episode Amir Rrahmani pas humbjes nga Suedia: Sfida u vendos nga dy episode

“Suedia është e fortë me gjithë atë kualitet, goli i dytë e tregon më mirë”.

“Sot ishte speciale mbështetja e tifozëve në stadium. I falënderoj të gjithë ata që ishin në stadium dhe nga shtëpia. Kërkoj falje që nuk arritëm me i gëzu popullin tonë”, përfundoi mbrojtësi deçanas. /Telegrafi/