Guardiola pas fitores ndaj Realit: Rezultati mund të ishte më i mirë, por jam shumë krenar

Trajneri i Manchester Cityt, Pep Guardiola ka folur pas ndeshjes me Real Madridit në Ligën e Kampionëve, ku ka treguar se ndihet krenar me paraqitjen e ekipit të tij.

City kishte dy herë epërsi prej dy golave në ndeshjen ndaj Real Madridin, të cilën e dominoi, por në fund fituan me rezultat të ngushtë 4-3.

Golat në këtë ndeshje u shënuan nga Kevin de Bruyne (2’), Gabriel Jesus (11’), Phil Foden (53’) dhe Bernardo Silva (74’) për vendasit, ndërsa për mysafirët shënuan Karim Benzema (33’, 82’) dhe Viniciur Junior (55’).

Lexo po ashtu City fiton festivalin e golave ndaj Realit, por gjithçka vendoset në Madrid

Kjo fitore e ka kënaqur pjesërisht trajnerin e Cityt, Guardiolan, i cili e ka vlerësuar kundërshtarin, por ka shtuar se mund të fitonin më thellë.

Pep was all of us throughout that! 😅💙#ManCity pic.twitter.com/UoN6hMFROU

— Manchester City (@ManCity) April 26, 2022

“Ne ishim aty gjatë gjithë kohës dhe duhej të mbroheshim mirë – ishim aty, nuk kam ankesa për rezultatin apo golat – asgjë – jam shumë krenar”, ka thënë fillimisht Guardiola pas ndeshjes.

“Bëmë gjithçka që mundëm për të fituar dhe patëm guxim me dhe pa top. Tani rikuperohemi për ndeshjen ndaj Leeds dhe më pas shkojmë në Madrid”.

Lexo po ashtu Notat e lojtarëve: Man City 4-3 Real Madrid, spikatin De Bruyne dhe Benzema

“Të dyja skuadrat kanë cilësi të jashtëzakonshme në fushë – rezultati është ai që është dhe ne do të udhëtojmë në Spanjë javën e ardhshme dhe do të përpiqemi të bëjmë mirë”.

“Rezultati mund të ishte më i mirë, por ju duhet të bëni shumë mirë gjatë dy ndeshjeve”, përfundoi trajneri i Cityt. /Telegrafi/