Pep Guardiola ka hedhur poshtë lajmet se do të largohet në verë drejt Juventusit, pas dënimit të Manchester Cityt me dy vite mospjesëmarrje në garat evropiane.
Kur dolën lajme se Manchester Cityt është dënuar, të gjithë tifozët prisnin një largim të Guardiolas.
Trajneri ka folur për BBC Sport pas fitores ndaj West Ham me rezultat 2-0 në kuadër të Ligës Premier.
Kevin De Bruyne e Pep Guardiola (Foto: Alex Livesey/Getty Images)
"Ne do të apelojmë dënimin. Kur dikush beson se kanë të drejtë, ata duhet të luftojnë".
"Nëse nuk më shkarkojnë, unë do të jem këtu. Unë e dua këtë klub. Më pëlqen të jem këtu. Ky është klubi im dhe unë do të jem këtu, pavarësisht se çfarë”.
Tifozët e Manchester Cityt. (Foto: Alex Livesey/Getty Images)
"Klubi duhet të luftojë dhe unë i besoj klubit 100 për qind, ata më kanë shpjeguar situatën”.
"Kjo situatë nuk ka mbaruar dhe ne do të presim. Përderisa nuk ka rezultat, ne duhet të luajmë, kjo është ajo”, ka thënë Guardiola. /Telegrafi/
