Gruaja e Sead Kolasinac është ndalur nga policia britanike në një aeroport, duke qenë se kishte me vete një armë elektroshoku.
Bella Kolasinac e kishte blerë elektroshokun për t’u mbrojtur, qëkur u sulmuan me thikë bashkëshorti i saj dhe bashkëlojtari i tij te Arsenali, Mesut Ozil, në rrugë në vitin e kaluar.
Më pas 27-vjeçarja ishte nisur për gjermani dhe atje mori leje për përdorimin e një elektroshoku të tillë.
Mirëpo, ajo nuk e ka ditur se kjo pajisje është ilegale në Britaninë e Madhe, ashtu që të enjten, siç ka raportuar The Sun, ishte ndalur nga zyrtarët kufitarë në London Biggin Hill Airport, pasi ia kanë gjetur elektroshokun në çantë.
Bashkëshortja e Kolasinac u ka thënë autoriteteve se e ka blerë pajisjen për vetëmbrojtje, si dhe kishte kërkuar leja për ta importuar.
Ajo ka mundur të dënohej me gjashtë muaj burg për “import të armës së ndaluar”, mirëpo është lëshuar me një vërejtje pas arritjes në Londër nga Frankfurti. /Telegrafi/
TELEGRAFI sh.p.k. Rr. Rexhep Mala, Aktash, Nr.34, Prishtinë, Kosovë info@telegrafi.com 038 224 093 - +383 48 222 355
Ky portal mirëmbahet nga kompania "Telegrafi". Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të "Telegrafit". Për ta shfrytëzuar materialin e këtij portali obligoheni t'i pranoni Kushtet e përdorimit.
Shkarkoje aplikacionin e Telegrafit për Android dhe iPhone
Të gjitha të drejtat janë të rezervuara © 2006-2023 Portali Telegrafi
Organizohet ankandi i radhës me vetura dhe artikuj të tjerë nga Ambasada Amerikane 
Scardian Sigurime fiton çmimin si “Insurance Firm of the Year in Kosovo” nga FM Insurance Awards 2022