Gjilani e ka mposhtur Vushtrrinë me rezultat 3-0 në kuadër të javës së 25-të në Superligën e Kosovës.

Vendasit e filluan mjaftë mirë ndeshjen, duke rrezikuar me anë të Gerhard Prognit në minutën e 10-të mirëpo goditja e tij përfundoi pran shtyllës vertikale.

Raste të mira për të shënuar kishin edhe Fiton Hajdari (20’) e Jackson Ferreira (22’), mirëpo gjuajtjet e tyre nuk ishin të sakta.

HT| ⏱Mbyllet pjesa e parë me golin e vetëm të realizuar nga Muamer Svraka….SC Gjilani🆚️KF Vushtrria 1-0#vetëmnjëdashuri 🔴⚪

Publiée par SC Gjilani sur Samedi 20 juin 2020

Momenti më kryesor i pjesës së parë erdhi në minutën e 36-të, kur Muamer Svraka e kaloi Gjilanin në epërsi, me kaq edhe përfundoi pjesa e parë.

Në të dytën, Vushtrria ishte më kërkuese dhe tentoi t’i barazonte shifrat me anë të Dren Ahmetit (46’), por Kenan Haxhihamza largoi topin me vështirësi.

Gooool 🎯⚽️ Franc Veliu me super goditje nga gjuajtja e lirë për avantazhin e dyfishtë për kuq e bardhët…SC Gjilani🆚️KF Vushtrria 2:0

Publiée par SC Gjilani sur Samedi 20 juin 2020

Gjilanasit arritën më pas të dyfishonin rezultatin me golin e realizuar nga Franc Veliu në minutën e 58-të nga gjuajtja e lirë.

Vendasit arritën që të thellonin edhe më shumë epërsinë, pasi shënuan për 3-0 me anë të Keitas.

Pas javës së 25-të, Gjilani gjendet në pozitën e dytë me 48 pikë, katër më pak se lideri Drita, gjersa Vushtrria është në të parafundit me 16 sosh. /Telegrafi/