Gjermania vazhdon me të gjitha fitore në kualifikime, mposht edhe Irlandën e Veriut (Video)

Kombëtarja e Gjermanisë ka shënuar edhe fitoren e radhës në grupe për kualifikimet në Kampionatin Botëror “Rusia 2018”, duke e mposhtur në udhëtim kombëtaren e Irlandës së Veriut me rezultat 3-1.

Skuadra kombëtare e drejtuar nga Joachim Loew po vazhdon me rekord të qind për qind në kualifikimet në botëror në kuadër të C, duke e blinduar pozitën e parë me nëntë fitore radhazi.

Është Irlanda e Veriut që është mposhtur kësaj radhe nga kombëtarja gjermane, e cila e përfundoj epilogun e fituesit qysh në pjesën e parë me dy gola të shënuara.

Goli i parë i ndeshjes erdhi qysh në minutën e dytë të takimit, kur mesfushori Sebastian Rudy shënoi një supergol nga distanca për 1-0 pas asistimin të Joshua Kimmich.

Gjermanët gjeten shpejt edhe golin e dytë në ndeshje, me sulmuesin Sandro Wegner, i cili shënoi gol të bukur për 2-0 pas asistimit të Thomas Muller dhe dërgoi skuadrat në pushimin mes dy pjesëve me këtë rezultat.

Në pjesën e dytë të ndeshjes, Panzerët vazhduan me dominimin dhe menaxhimin e ndeshjes, duke rrezikuar edhe disa herë, dhe gjetën edhe golin e tretë në minutën e 86-të me anë të Kimmich, i cili shënoi për 3-0, ndërsa Josh Magennis në minutat shtesë vulosi rezultatin përfundimtar 3-1.

Pas kësaj fitore, Gjermania vazhdon të prijë grupin me të gjitha fitore, ku nga nëntë ndeshje ka 27 pikë, ndërsa Irlanda e Veriut gjendet në pozitën me 19 pikë dhe këto dyja janë të kualifikuara nga Grupi C.

Ndeshja e fundit në grupe me 8 tetor, ku Gjermani e pret në shtëpi Azerbajxhanin, ndërsa Irlanda e Veriut udhëton drejt Norvegjisë. /Telegrafi/

What a goal Sebastian Rudy!!pic.twitter.com/NMsuuhH74Y

— Bayern & Germany ? (@iMiaSanMia_vid) October 5, 2017

What a turn and what a goal Sandro Wagner! 2-0pic.twitter.com/rqKFINtlsm

— Bayern & Germany ? (@iMiaSanMia_vid) October 5, 2017