Televizioni amerikan Fox News ka kërkuar falje, që gjatë komentimit për samitin e shumëpritur në Singapor mes presidentit amerikan Donald Trump dhe atij koreanoverior, Kim Jong-un, gazetarja i është referuar dyshes “si dy diktatorët”.

Prezantuesja e Fox and Friends ka bërë një koment të çuditshëm gjatë të dielës në transmetim live, ku shfaqet presidenti amerikan duke zbritur nga aeroplani në Singapor, transmeton Telegrafi.

Mysafirët dhe ish-drejtori i zyrës për komunikim i Shtëpisë së Bardhë, Anthony Scaramucci nuk e kishte vërejtur këtë gafë. Megjithatë e bija e ambasadorit amerikan në Rusi, Jon Huntsman, Abby më vonë kërkoi falje për çfarë kishte thënë.

Gafa e saj është filmuar nga një shikues dhe më pas e ka publikuar në Twitter. Menjëherë kanë filluar reagimet e shumta të qytetarëve. /Telegrafi/