Gattuso: Bakayoko bëri ndeshje të madhe, duhet të qëndrojmë në krye

Gennaro Gattuso e ka vlerësuar paraqitjen e mirë të Tiemoue Bakayoko në ndeshjen ndaj Genoas të mërkurën, ku Milani fitoi 2-1.

Pas fitores kuqezinjtë janë ngjitur në vendin e pestë me 18 pikë as sa ka edhe Lazio.

“Unë nuk mendoj se ishim mjaft të mirë pasi shkuam 1-0. Është një hap përpara. Tani duhet të qëndrojmë këtu”.

“Tani duhet të bëjmë mirë e të qëndrojmë atje lart. Ne ende nuk kemi arritur asgjë. Tani duhet të luajmë si ekip, sepse ndonjëherë nuk e bëjmë këtë”.

“Unë jam i lumtur për rezultatin, për qetësin në mendje. Ne ende kemi progres për të bërë në këtë drejtim”.

“Gjithmonë kam pasur marrëdhënie të njëjta me të gjithë. E kam përjetuar gjithmonë këtë. Unë nuk do të jem trajner i parë e as i fundit që do të ketë kohëra të vështira”.

“Nuk jam i qetë, pasi ende nuk kemi bërë asgjë. Ne kemi mangësi në shumë aspekte të lojës sonë”.

“Bakayoko bëri një lojë të madhe sot. Ne zhvilluam mirë posedimin e topit, por pastaj u frikësuam”.

“Ne duhet të përmirësohemi. Është një rrugë që duhet ta bëjmë”, ka thënë Gattuso. /Telegrafi/