0Shares

Komisioni i Disiplinës në Federatën Shqiptare të Futbollit, ka dënuar me pesë ndeshje moslojë sulmuesin e Skënderbeut të Korçës, Liridon Latifi.

Në arsyetimin e KD të FSHF-s, thuhet se Latifi ka sulmuar lojtarin kundërshtar në ndeshjen me Kukësin.

Mesfushori-sulmues nga Kosova u ndëshkua me karton të kuq, pasi paraprakisht kërkoi penallti, gjë të cilën gjyqtari nuk e akordoi, e më pas goditi mbrojtësin Glenti Mici.

“Lojtari i KF “Skënderbeu”, Liridon Latifi, për sulm ndaj lojtarit kundërshtar, dënohet me 5 (pesë) ndeshje pezullim nga aktiviteti, bazuar në nenin 48/1.e të KDS”, thuhet në njoftimin e FSHF-s.

Latifi njihet si lojtar i qetë dhe sigurisht që Skënderbeu do të apelojë këtë vendim.

Të Ngjajshme
Shfaq Komentet (0)