Freeman: Disiplina më ka ofruar vitalitet në jetë dhe në karrierë (Foto/Video)

Morgan Freeman ka thënë se qasja e tij për vetdisiplinë në formë të rregullave ushtarake, ia ka mundësuar që të jetë vital edhe në jetë edhe në karrierë.

“Ushtrimet janë pjesë e asaj disipline. Mënyra si hani është pjesë e disiplinës suaj. Përpiqem që të mos e teproj me ushqim”.

“Një prej gjërave që kam zbuluar është se ngrënia na është bërë shprehi, kurse në fakt duhet të jetë një nevojë për t’u ushqyer. Prandaj është më mirë që ngrënien ta përshtatni me nevojat tuaja”, ka deklaruar 80-vjeçari.

Lexo po ashtu Freeman e quan spiun Putinin, Rusia i kundërpërgjigjet aktorit (Video)

Më tej, ai i ka krahasuar shprehitë ushqyese të amerikanëve në ditët e sotme dhe në të kaluarën, kur mbipesha ka qenë shumë e rrallë, kurse puna fizike ka qenë shumë më e madhe.

“A e dini se në SHBA ka më së shumti njerëz me mbipeshë se kudo tjetër. Kjo është për faktin se njerëzit kanë ushqim të bollshëm. Në kohën kur të gjithë kanë bërë punë fizike, kur për punë kanë përdorur shate, sëpate dhe mjetet tjera, punëtorët kanë bërë pushime për të ngrënë, në mënyrë që pastaj të vazhdojnë me punën.

“Sot ndodh që zgjoheni në mëngjes, i lani dhëmbët, visheni, shkoni me automjet deri në punë dhe pastaj uleni pranë kompjuterit”, ka thënë më tej aktori.

Serieali i Freeman, “The Story Of Us”, që i ka gjashtë episode, përcjell udhëtimet e tij nëpër botë duke biseduar me njerëz të njohur, në mesin e të cilëve edhe Bill Clinton e Nadya Tolokno nga grupi “Pussy Riot”. /Telegrafi/