Françeska Murati reagon pas zjarrit në rezidencën e saj në Tiranë: Nuk ishte kati im

Pas raportimeve dhe pamjeve të përhapura në rrjet për një zjarr në një nga apartamentet e kompleksit luksoz ku banon Franceska Murati në Tiranë, vetë ish-banorja e Big Brother VIP LBANIA ka reaguar përmes një postimi në Instagram.

Në një mesazh, Franceska falënderoi të gjithë ata që i kishin shkruar për të pyetur nëse ishte mirë dhe qartësoi situatën.

“Gjithçka është në rregull. Dua t’i falënderoj nga zemra të gjithë ata që më shkruajtën për të parë nëse isha mirë—mbështetja juaj më preku shumë. Thjesht të gjithë duhet të jemi pak më të kujdesshëm, mos me hap panik kot me video të tilla. Pikë së pari, nuk ishte kati im, por gjithsesi gjithçka u vu në kontroll për punë minutash falë administratës fantastike që kujdeset për ne dhe gjithçka është në rregull tani”, shkroi ajo në Instagram.

Reagimi i saj vjen në një kohë kur mediet dhe rrjetet sociale u mbushën me pamje të flakëve dhe tymit që dilte nga një nga apartamentet në kompleksin “Lake View”, ku banesat janë të njohura për vlerën e tyre të lartë në treg.

Me qetësinë dhe transparencën e saj, Franceska zgjodhi të mos nxiste më tej panik dhe të siguronte publikun dhe ndjekësit se situata ishte nën kontroll dhe askush nuk ishte lënduar. /Telegrafi/

View this post on Instagram

A post shared by Franceska Murati (@franceska_murati)