Formula 1 ka publikuar pamje nga një kënd i ri i përplasjes ndërmjet Lewis Hamilton dhe Max Verstappen në Monza që tregon se aksidenti ishte afër për t’u bërë tragjik.

Gara për Çmimin e Madh të Italisë ishte duke u nxehur ndërmjet dy rivalëve për titull në xhiron e 26-të, kur një ‘pit-stop’ i ngadaltë i pilotit të Red Bullit çoi drejt përplasjes mes tyre.

Dy bolidët ishin duke shkuar ngjitas, derisa automjeti i Verstappen u ngrit rrezikshëm mbi atë të Hamilton.

Një kamerë 360 shkallëshe e montuar në Mercedesin e britanikut ka treguar rrezikun që pa pasur shtatë herë kampioni i botës.

Hamilton dhe Verstappen përfshihen në aksident gjatë Çmimit të Madh të Italisë Hamilton dhe Verstappen përfshihen në aksident gjatë Çmimit të Madh të Italisë

“Kjo të gjen kur nuk lë hapësirë”, është dëgjuar duke thënë në radio Verstappen, i cili është dënuar me tri pozita për garën në Rusi, pasi FIA e ka fajësuar atë për incidentin. /Telegrafi/