IPKO Superliga po vazhdon garë, që nga shumë njohës të futbollit po konsiderohet si më e forta pas lufte.

12 klube të përforcuara, po rivalizojnë njëra me tjetrën, duke befasuar shpesh edhe me rezultate.

Llapi dhe Drita luajtën baras në derbi që u mbyll 2-2, ndërsa Feronikeli fitoi ën shtëpi ndaj Flamurtarit, duke u kthye në pozitat e larta në renditje.

Prishtina e mori fitoren e parë duke e mposhtur Trepçën ’89, ndërsa Vushtrria dhe Drenica barazuar 2-2, në një ndeshje tjetër emocionuese.

Gjilani e ka mposhtur Ballkanin 1-0, ndërsa me të njëjtin rezultat si mysafir ka fituar Ferizaj ndaj Dukagjinit.

Telegrafi ka zgjedhur më të dalluarit e javës së V-të.

Portieri

Donat Kaçiu kthehet protagonist pas një kohe të gjatë. Ai ishte ndër më të merituarit që Ferizaj doli me tri pikë nga Klina.

Mbrojtja

Behar Bardhi po ashtu kishte një paraqitje të mirë në fitoren e Ferizajt. Në qendër janë Ahmet Haliti dhe Liridon Leci, edhe pse pozita e tij ishte si mbrojtës i majtë.

Në pozitën e mbrojtësit të majtë është fieraku, Nertil Hoxha, që shënoi gol të bukur ndaj Drenicës.

Mesfusha

Behar Maliqi ishte edhe njëherë ‘motori’ i Llapit. Ai shënoi ndaj Dritës dhe zhvilloi një ndeshje të mirë. Në krahë janë Mendurim Hoti dhe Gerhard Progini që i shënuan golat e fitores për Feronikelin dhe Gjilanin.

Me të është edhe heroi i tri pikëve të Ferizajt, Edon Sadriu.

Sulmi

Ahmed Januzi u përkujdes për tri pikët e para të Prishtinës, ndërsa kishte edhe raste të tjera për gol.

Me ë në sulm është Harmon, që shënoi ndaj Vushtrrisë dhe kishte edhe disa raste të tjera.

Trajneri i javës

Gentjan Mezani është trajneri më i mirë i javës. Ai i shkaktoi humbjen e parë Ballkanit të Ismet Munishit.

Aktualisht skuadra e tij është lider në Superligë. /Telegrafi/

Formacioni