Java e 25-të në IPKO Superligë ka sjell rezultatet që janë pritur me liderët që kanë arritur fitore.
Ferronikeli këtë e bëri më shumë vështirësi, pasi vetëm në fund shënoi në portën e Ballkanit.
Prishtina e mposhti Lirinë (3-0), ndërsa Llapi e mposhti Ferizajn në një ndeshje që nuk ishte aq e lehtë për vendasit.
Redaksia e Telegrafi Sport i ka zgjedhur më të dalluarit e javës së 25-të.
Portier
Kenan Haxhihamza në portë pasi e mbajti të paprekur ndaj Drenicës. Ai përi që Gjilani ta marr një pikë në Bajram Aliu.
Po tregohet se është pjekur si portier dhe i gatshëm që ta ruajë portë edhe në derbi.
Mbrojtja
Anësorët kanë mbiemrin Thaqi, po luajnë në skuadra të ndryshimë. Astrit Thaqi edhe pse luajti në qendër në fundin e ndeshjes kaloi në krah për ta ndihmuar skuadrë. Feronikeli shënoi gol nga pasimi i tij.
Armend Thaqi në të djathtë. Mbetet ndër lojtarët më kualitativ në kampionat.
Në qendër të mbrojtjes Vilson Lila i Gjilanit dhe Elton Basriu i 89-shit, që kishin paraqitje të shkëlqyera.
Mesfusha
Prishtina e ka gjetur Ergyn Ahmeti në momentet më të duhura. Mesfushori përvec se shënoi, po prodhon shumë volum loje.
Më të janë edhe Hasan Hyseni dhe Qemjal Elshani. Hyseni e shënoi golin e vetëm të 89-shit, ndërsa Elshani ishte më i dalluari te Drenica.
Sulmi
Në sulm janë lojtarët që kanë shënuar. Në qendër Ahmet Januzi, që e hapi ndeshjen ndaj Llapit.
Në krah Meriton Korenica që po vazhdon me formë të jashtëzakonshëm dhe shënoi dy golash.
Në krahun tjetër Festim Alidema që kthehet te goli pas një kohë dhe po tregon formë të mirë. /Telegrafi/
