Fillimi i Manchester United në sezonin 2022/23 nuk mund të kishte shkuar më keq, pasi pësuan dy humbje turpëruese në dy ndeshjet e para, kështu që drejtuesit e klubit dhe trajneri Erik ten Hag synojnë të përforcohen maksimalisht deri në mbylljen e afatit kalimtar.

Tifozët e Unitedit hynë në sezonin e ri me një optimizëm të kujdesshëm, por që është kthyer në fatkeqësi dhe zymtësi në harkun e vetëm dy ndeshjeve.

Ndeshja e parë e United në sezonin e ri të Ligës Premier i pa ata të mposhtur 2-1 në Old Trafford nga Brighton, ndërsa në ndeshjen e dytë u mposhten thellë 4-0 nga Brentford.

Reklama

Gjërat duken edhe më të zymta për Djajtë e Kuq tani dhe mungesa e nënshkrimeve të klubit nuk po i ndihmon gjërat.

Reklama
Ten Hag pas humbjes turpëruese: Më vjen keq për tifozët, kemi nevojë lojtarë të rinj dhe cilësorë Ten Hag pas humbjes turpëruese: Më vjen keq për tifozët, kemi nevojë lojtarë të rinj dhe cilësorë

Deri më tani, United ka arritur të sjellë vetëm Tyrell Malacia, Lisandro Martinez dhe Christian Eriksen, ndërsa ka dështuar në ndjekjen e tyre afatgjatë të Frenkie de Jong.

Kjo situatë ka bërë që drejtuesit dhe trajneri të mendojnë përforcimin me lojtarë të rinj që mund ta përmirësojnë skuadrën, pasi edhe Cristiano Ronaldo pritet të largohet.

Mediumi The Telegraph raportoi se Djajtë e Kuq synojnë pesë nënshkrime të reja para mbylljes së afatit kalimtar dhe nëse ata arrijnë të gjithë, 11-ja titullare e Ten Hag do të ishte mjaft mbresëlënëse.

Reklama

Për mbrojtës është etiketuar Thomas Meunier i Borussia Dortmundit, ndërsa mesfushor qendre pëlqehen ylli i Real Madridit, Casemiro dhe ai i Lazios, Sergej Milinkovic-Savic.

Sulmues anësor që synohet të transferohet është amerikani i Chelseat, Christian Pulisic, ndëras sulmues qendre Pierre-Emerick Aubameyang i Barcelonës.

Reklama
Man Utd synon pesë transferime të mëdha deri në fund të afatit kalimtar të verës Man Utd synon pesë transferime të mëdha deri në fund të afatit kalimtar të verës

Por, si do të luante Unitedi i Ten Hag në sezonin 2022/23 nëse këto transferime do të materializoheshin.

Faqja e njohur sportive GiveMeSport ka publikuar formacionin e mundshëm me përforcime dhe kjo 11-she duket thjeshte mbresëlënëse dhe mund t’i bënte tifozët e Unitedit të ëndërrojnë.

Formacioni më i mirë i mundshëm i Man Utd për sezonin 2022/23

Reklama

David De Gea, Thomas Meunier, Raphael Varane, Lisandro Martinez, Tyrell Malacia, Casemiro, Sergej Milinkovic-Savic, Bruno Fernandes, Jadon Sancho, Pierre-Emerick Aubameyang, Christian Pulisic

/Telegrafi/