Interi është mysafir i Napolit në një ndeshje shumë të rëndësishme, në të cilën ka nevojë për pikë, për t’iu afruar sa më shumë kualifikimit matematikor për në Ligën e Kampionëve.

Kur kanë mbetur edhe dy xhiro për t’u zhvilluar në Serie A, Nerazzurrët janë në vend të tretë me 66 pikë, mirëpo vendet që dërgojnë në garën më të madhe evropiane për klube mbesin akoma të hapura matematikisht.

Napoli e ka blinduar vendin e dytë në tabelën e kampionatit italian, megjithatë nuk pritet që t’ia bëjë të lehtë kualifikimin në elitën evropiane skuadrës rivale.

Trajnerët Carlo Ancelotti dhe Luciano Spalletti i kanë përgatitur taktikat e tyre për këtë përballje që është e parafundit në kalendarin e Serie A.

Formacioni startues i Napolit: Karnezis; Malcuit, Albiol, Koulibaly, Ghoulam; Callejon, Allan, Fabian Ruiz, Zielinski; Mertens, Milik.

Formacioni startues i Interit: Handanovic; D’Ambrosio, Miranda, Skriniar, Asamoah; Gagliardini, Brozovic; Politano, Nainggolan, Perisic; Lautaro Martinez.

/Telegrafi/