Fonseca: Humbje e rëndë padyshim, nuk kishim forcë mendore në pjesën e dytë

Paulo Fonseca beson se Roma kishte qasjen e duhur taktike ndaj Manchester Unitedit, por ‘nuk kishte forcë mendore’ në humbjen e tyre në gjysmëfinalen e parë të Ligës së Evropës me rezultat 6-2.

Giallorossët udhëhiqen 2-1 në pjesën e parë, por humben Jordan Veretout, Pau Lopez dhe Leonardo Spinazzola shkaku i dëmtimeve në 37 minutat e para.

Kjo i la ata pa të mangët në të gjitha fazat në pjesën e dytë dhe kjo bëri që të shpartallohen në 45 minutat e dytë dhe të humbin thellë.

“Është një humbje e rëndë, padyshim. Mendoj se kemi pasur një pjesë të parë të mirë, por nuk e kemi duruar në të dytën”, ka thënë fillimisht Fonseca për Sky Sport Italia pas ndeshjes.

“Ne kemi humbur tre lojtarë dhe nuk kishim më zëvendësime. Amadou Diaëara dhe Chris Smalling po luftonin, por unë nuk mund t’i zëvendësoja. Ishte një pjesë e dytë shumë e vështirë për ne”.

“Është e vështirë të shpjegosh se si e bëmë atë pjesë të parë dhe pastaj dolëm për të dytën pa asnjë agresion, duke bërë shumë gabime, duke lënë hapësira”.

🔴 𝗧𝗛𝗔𝗧 @ManUtd performance = ________#UEL pic.twitter.com/06jpdPNkZv

— UEFA Europa League (@EuropaLeague) April 29, 2021

“Kur ata shënuan golin e tretë, ekipi nuk kishte forcën mendore për t’u ngritur në këmbë. Është e vështirë të luash kundër një ekipi si Manchester Unitedi gjithsesi, aq më pak kur nuk mund të bëjmë asnjë zëvendësim”.

“Mendoj se është shumë pozitive që kemi arritur në gjysmëfinale dhe kemi luajtur këtë pjesë të parë në Mançester. Kjo dëshmon se skuadra mund të konkurrojë. Sidoqoftë, ne bëmë gjithçka gabim në pjesën e dytë”.

“Nuk besoj se ishte një problem taktik. Siç e treguam në pjesën e parë, ne i lejuam Mançesterit praktikisht asnjë shans. Zgjedhjet tona ishin ato logjike”.

“Ne kemi humbur lojtarë të rëndësishëm në fillim dhe më pas nuk kemi pasur forcë mendore në pjesën e dytë. Mendoj se kjo ishte çështja”, përfundoi trajneri i Romës. /Telegrafi/