Fjolla Morina: Labinot Tahiri më ndihmoi financiarisht në momentet më të vështira kur kisha probleme psikike

Këngëtarja Fjolla Morina është rikthyer pas një kohe të gjatë me një intervistë ekskluzive për emisionin Prive, ku ndau të gjitha detajet nga peripecitë e saj jetësore.

Ajo foli për problemet me shëndetin mendor, sfidat ligjore në Shqipëri dhe për lidhjen e saj të re të dashurisë, duke e bërë një rrëfim të sinqertë dhe të ndjerë.

Në këtë intervistë, Fjolla tregoi se gjatë krizave financiare që përjetoi, një nga njerëzit që e ndihmoi ishte këngëtari Labinot Tahiri. Ajo e cilësoi ndihmën e tij si jetike dhe tha se Labi ishte ndër të paktët që i doli krah në kohën më të vështirë të saj.

Labinot Tahiri nuk e ka mbështetur Fjollën vetëm në mënyrë financiare, por edhe publikisht. Kur Fjolla u arrestua për armëmbajtje pa leje, Labi i qëndroi pranë me një mesazh emocional, duke i bërë thirrje publikut të mos e paragjykonin.

“E përkrah këtë shkrim të një vajze, nane e njeri që punon për t’i rritur fëmijët e saj, që kush si ajo s’i do! Pa qenë nën lëkurën e dikujt, nuk bën të paragjykoni. Fjolla, Zotin ke afër vete gjithmonë sepse ke fëmijët, e për fjalët dhe për ne, mos e lodh veten,” kishte shkruar Tahiri.

Fjolla Morina, pas gjithë vështirësive, duket e vendosur të rikthehet në skenë dhe të vazhdojë jetën e saj me energji të reja. Ajo e përmbylli rrëfimin e saj me një mesazh mirënjohjeje për ata që i qëndruan pranë dhe frymëzimi për ata që përjetojnë momente të vështira, duke u kujtuar se asnjëherë nuk duhet të humbasin shpresën. /Telegrafi/