0Shares

Conor McGregor thuhet se teksa ishte në tetëkëndësh, i ka tërhequr fjalët ofenduese që i kishte thënë para duelit ndaj Khabib Nurmagomedov.

Gjatë përballjes mes tyre në Las Vegas, irlandezi është përpjekur t’i qetësojë gjakrat me rivalin nga Dagestani.

Sipas Express.co.uk, McGregor është dëgjuar duke i thënë Khabibit: “Është vetëm biznes” dhe në njëfarë forme i ka kërkuar falje për ofendimet që ia kishte bërë.

Ndërkohë që ai ia ka kthyer: “Hej, vazhdojmë”.

Lajmet për Khabib Lajmet për Khabib

Luftëtari i arteve të përziera nga Dagestani fitoi kundër irlandezit me një kapje për fyti në raundin e katërt të duelit të të shtunës.

Pas meçit ndodhën incidente, me ç’rast Khabib e sulmoi partnerin në stërvitje të McGregorit, Dillon Denis, teksa tre pjesëtarë të stafit të Nurmagomedov u përleshën me Conor.

Lajmet për McGregor Lajmet për McGregor

Nurmagomedov më pas kërkoi falje për veprimet e tij, por tha se ishte provokuar nga sjellja e McGregorit para duelit.

Irlandezi i njohur me nofkën ‘Notorious’ e kishte ofenduar Nurmagomedovin në baza fetare dhe familjare. Ai madje e kishte ofenduar edhe babanë e Khabibit. /Telegrafi/

Të Ngjajshme
Shfaq Komentet (0)