Florent Hadergjonaj është zyrtarizuar si lojtar i Kasimpasas në Superligën e Turqisë, ku do të luajë në huazim për gjastë muaj. 

Ai ka folur për disa gjëra, duke nënvizuar edhe bisedën me Loret Sadikun. Hadergjonaj u shpreh i lumtur me kalimin te klubi nga Stambolli.

“Faleminderit për mikpritjen tuaj. Që prej fillimit kur i kemi nisur bisedimet, kam qenë rehat. Ishte një procedurë e gjatë, por tani gjithçka është mirë”.

“Jam i lumtur që kam ardhur këtu me realizimin e transferimit. Kjo është hera ime e parë që ndodhem në Stamboll si futbollist. Stambolli është një qytet i jashtëzakonshëm dhe shpresoj se do ta vizitoj më mirë”.

“Kam folur me disa shokë që e njohin këtë kampionat si dhe me Loret Sadikun, i cili kishte vetëm fjalë të mira. Tani, jam i lumtur”, tregon më tej Hadergjonaj. /Telegrafi/