Filmi “Guxim” i Drilon Hoxhës arrin në Cineplexx Kosova

Pas suksesit të filmave të fundit shqiptar, si “Në Kuadër të Dashurisë”, “5 Herë Jo” dhe “Dy Gisht Mjaltë 2”, filmi i radhës që arrin në Cineplexx është “Guxim”, i cili trajton temën e një dashurie e cila do të vendosë në lëvizje të gjithë personazhet ku do të bien në pah intrigat dhe manipulimet të cilat vendosin në kurth dy personazhet kryesore.

Ky është një film i zhanrit aksion aventurë i cili është një tjetër prodhim kinematografik nga regjisori dhe aktori Drilon Hoxha, i cili tashmë vazhdon traditën e filmave aksion në Shqipëri, si film i pestë. Nuk ndalon së surprizuari me historitë dhe skenat aksion të detajuara, që të mbajnë të pa levizur përpara ekranit. Këtë herë një dashuri e madhe që të çon në një rrugë pa krye, por të ndjekësh dashurinë nuk është aspak e gabuar edhe pse të duhet të kapërcesh pengesa të paimagjinueshme.

Guximi është një djalë i ri i cili marroset pas Laurës, një vajzë bukuroshe e cila fsheh një të vërtëtë të hidhur. Mania për një stil jetese të caktuar e ka shtyrë Laurën të përfshihet në një marrëdhënie të hapur me Luanin, një burrë të moshuar i cili i ofron vajzës së re jo vetëm para, por edhe pushtet. Marrëdhënia e tyre është parimisht e hapur, xhelozia do e kaplojë Luanin sapo të zbulojë se ka një kundërshtar në luftën e gjatë sa vetë jeta…atë për dashuri.

I mbushur me urrejtje e xhelozi, Luani do të vendosë një çmim për kokën e Guximit, e për të arritur këtë qëllim nuk do të kursejë asnjë metodë. Edhe pse i papërgatitur për kurthet vdekjeprurëse nga i moshuari i pashpirt, Guximi do të luftojë me gjithçka ka, duke rrezikuar jo vetëm jetën e tij, por edhe atë njerëzve të tij të dashur. Të vendosur për të zotëruar zemrën e Laurës, Luani dhe Guximi do të nisin një betejë ku disa do të humbin jetën, e të tjerë do humbin njerëzit e dashur.

Në rolet kryesore koloset e kinemasë Shqiptare Myzafer Zifla, Bujar Asqeriu, Mehdi Malka, Natasha Sela, Drilon Hoxha, Lorenc Kaja, Mimoza Marjanaku, Livia Lozi, Ardit Zela dhe shumë të tjerë.

Premiera e këtij filmi në Cineplexx do të jetë me 17 Prill prej orës 20:30. Ku nga ora 20:00 do të kemi edhe një Meet & Greet me vet Drilon Hoxhën.

Shiko trailerin këtu : Trailer “GUXIM”

Nxitoni dhe blini biletën tuaj në aplikacionin apo web faqen e Cineplexx Kosova.

Web – Cineplexx (cineplexx-ks.eu)

Shkarko në iOS  –  Cineplexx Kosova 

Shkarko në Android – Cineplexx Kosova