FIFA shpall ndarjen e formatit të ri të Kupës së Botës të vitit 2026, ku garojnë 48 skuadra kombëtare

Është bërë ndarja e vendeve të skuadrave kombëtare me secilin kontinent që tani e di sa skuadra do t’i qoj në Kupën e Botës të vitit 2026.

Presidenti i UEFA-s, Aleksander Ceferin ka bërë fushatë për 16 vende të kombëtareve evropiane në Kupën e Botës dhe këtë e ka arritur.

Lexo po ashtu FIFA dënon gjyqtarin duke ia ndaluar futbollin përjetësisht, ai manipuloi ndeshjen e vlefshme për Kampionatin Botëror (Foto/Video)

Byroja, e cila përbëhet nga presidenti i FIFA-s, Gianni Infantino dhe nga kryetarët e gjashtë konfederatave, u takuan në Cyrih dhe ranë dakord mbi ndarjen e vendeve për konfederata. Vendimi tani do të paraqitet në Këshillin e FIFA-s për ratifikim në maj, transmeton Telegrafi.

Kontinenti evropian parashihet t’i dërgoj 16 skuadra në Kupën e Botës të viti 2026, ndërsa pas tyre renditet konfederata e vendeve afrikane (CAF), që do të përfaqësohet me nëntë skuadra.

Lexo po ashtu Messi letër FIFA-s, kërkon uljen e dënimit (Foto)

Kontinenti i Azisë (AFC), do të ketë tetë skuadra në Kupën e Botës, ndërsa Konfederata e Amerikës Veriore, Qendrore dhe Karaibeve (CONCACAF) dhe ajo e Amerikës së Jugut (CONMEBOL) do të përfaqësohen me nga gjashtë skuadra.

Oqeania (OFC) do të përfaqësohet me një skuadër në formatin e ri të 2026, ndërsa dy ekipet e mbetura do të dihen nga ‘Play-OFFi”, ku do jenë nga një skuadër nga gjashtë konfederatat. /Telegrafi/