Sport Futboll Ndërkombëtare

FIFA kërcënon një kombëtare me përjashtim nga Botërori 2026 – i dërgon letër zyrtare

Para 1 muaji

FIFA thuhet se ka kërcënuar se do të ndalojë një vend nga futbolli ndërkombëtar dhe Kupa e Botës 2026, pasi i ka dërguar një letër zyrtare qeverisë së saj.

Përveç Kanadasë, Meksikës dhe Shteteve të Bashkuara, katër kombëtare të tjera kanë siguruar kualifikimin për Kupën e ardhshme të Botës.

Irani dhe Japonia u kualifikuan nga seksioni AFC në fillim të kësaj jave, ndërsa Argjentina tashmë është kualifikuar nga Amerika e Jugut. Zelanda e Re është skuadra e katërt që kalon në turne, përmes seksionit OFC.

Kupa e Botës së ardhshme do të ketë një rritje të kombeve konkurruese nga 32 në 48, duke u dhënë të ashtuquajturave kombëtare ‘më të vogla’, në aspektin futbollistik, një mundësi më të madhe se kurrë për t’u kualifikuar.

Disa përfaqësuese nuk do të marrin pjesë në Kupën e Botës për shkak të pezullimeve nga FIFA. Rusia është e ndaluar për shkak të pushtimit të Ukrainës në vitin 2022, ndërsa Pakistani dhe Kongo u përjashtuan nga kualifikimi për shkak të dështimeve administrative dhe ndërhyrjes së palëve të treta respektivisht.

FT in Moscow. #FIFAInternationalFriendly #WeAreChipolopolo #RUSZAM pic.twitter.com/0rlPPJ8hbc

— FAZ (@FAZFootball) March 25, 2025

Por një komb tjetër – i cili kohët e fundit luajti kundër Rusisë në një miqësore – tani mund të përjashtohet nga Kupa e Botës.

Sipas Soccer24.zw, FIFA i ka shkruar Federatës së Futbollit të Zambisë për t’i paralajmëruar se mund të pezullohen plotësisht nga të luajturit në futboll ndërkombëtar.

Soccer24.zw – mediumi nga Zimbabve – raporton se Këshilli Kombëtar i Sporteve të Zambisë (NSCZ), një organizatë qeveritare, fillimisht i kishte shkruar FIFA-s për të kërkuar krijimin e një organi të pavarur zgjedhor dhe një ‘shqyrtim të plotë të procesit zgjedhor të Federatës së Futbollit të Zambisë’.

Rregulloret e FIFA-s ndalojnë ndikimin e palëve të treta në çështjet e futbollit të një vendi, duke përfshirë edhe organet qeveritare.

Në shkurt, presidentit të Federatës së Futbollit të Zambisë, Andrew Kamanga, iu dha një mandat i tretë në detyrë pa kundërshtim, për shkak të skualifikimit të tetë kandidatëve të tjerë për mosplotësimin e kërkesave kushtetuese.

Megjithatë, pas nisjes së apelimeve të pavarura, katër kandidatëve iu anuluan skualifikimet. Zgjedhjet do të zhvillohen midis 15 dhe 29 marsit, me një mbledhje të përgjithshme të FA të Zambisë të planifikuar për datën e fundit.

Ndërkohë, Kamanga është pozitiv se FIFA nuk do ta ndalojë Zambinë të konkurrojë në futbollin ndërkombëtar.

“Idealisht, nuk duhet”, deklaroi ai . “Sepse për mua ajo që besoj është se me FIFA-n e kemi pasur një udhërrëfyes dhe kemi rënë dakord në dhjetor në atë program që zgjedhjet të fillojnë nga 15 marsi deri më 29 mars”.