Fenerbahce thuhet se është në bisedime me Arsenalin për një marrëveshje huazimi për yllin turko-gjerman Mesut Ozil, në afatin kalimtar të janar.

Reprezentuesi gjerman ka mbetur jashtë skuadrës në tri ndeshjet e fundit të Arsenalit –  duke çuar në spekulime se karrierës së tij në Emirates po i vjen fundi.

Ozil, 30 vjeç, është paraqitur vetëm një herë në Ligën Premier këtë sezon, me Unai Emery që preferoi më shumë lojtarë si Dani Ceballos dhe Joe Willock.

Arsenali i gatshëm ta largojë Ozilin dhe t'ia paguajë një pjesë të rrogës Arsenali i gatshëm ta largojë Ozilin dhe t'ia paguajë një pjesë të rrogës

Sipas mediumit turk Takvim, klubi i madh Fenerbahce është i gatshëm t’i ofrojnë atij një rrugë shpëtimi.

Mesut Ozil (Foto: Laurence Griffiths/Getty Images/Guliver)

Ata shprehen se ish- ylli i Real Madridit ka dëshirë të bashkohet me klubin e tij të fëmijërisë, me drejtorin sportiv të Fenerbahces, Damien Comolli, që tani është në diskutime me Topçinjtë.

Madje është sugjeruar që gjigantët e Londrës së Veriut janë të gatshëm të paguajnë edhe një pjesë të pagës se Ozilit, vetëm për t’u liruar nga ati. /Telegrafi/