Fansat e pyesin se pse i është hequr verifikimi në Twitter, Bebe Rexha: Askush nuk ma ka paguar faturën

Këngëtarja shqiptare me famë ndërkombëtare, Bebe Rexha, po përjeton një moment të shkëlqyer profesional me suksesin e hitit të saj më të ri “Chase It (Mmm Da Da Da)”.

Mirëpo, ka një ngjarje të vogël në platformën X (ish-Twitter) që ka tërhequr vëmendjen e saj dhe të fansave: ikona e kaltër e verifikimit nga profili i saj duket se është zhdukur pa lënë gjurmë.

Njëri prej fansave 34-vjeçares ka vendosur të adresojë këtë mister në një mënyrë të drejtpërdrejtë dhe me humor. “Bebe ku e ke shenjën tënde të verifikimit, haha”, ka shkruar fansi.

Këngëtarja, e njohur për humorin dhe thjeshtësinë e saj, nuk ka hezituar të ndajë me të tjerët këtë koment, duke e rishpërndarë atë në profilin e saj me një koment tepër të sinqertë dhe argëtues.

“Oh dreqi. Nuk e di. Mendoj se askush nuk ma ka paguar faturën”, ka shkruar ajo duke iu përgjigjur fansit. Kjo përgjigje ka nxitur qeshje dhe speculime në rrjet, me ndjekësit që janë mrekulluar nga qasja e relaksuar dhe e pandërprerë e Rexhës ndaj një çështjeje që, për artistët e tjerë, mund të kishte qenë burim stresi.

Oh shit. I dunno. Guess no one paid my bill 😒 https://t.co/ZSh22ootUZ

— Bebe Rexha (@BebeRexha) May 21, 2024

Ndërsa për disa yjet, humbja e shenjës së verifikimit mund të shihet si një çështje e madhe, për Bebe Rexhën kjo është thjesht një moment i lehtë që tregon se ajo vlerëson më shumë lidhjen me fansat sesa simbolet statusi në rrjete sociale. Ndërkohë, suksesi i saj në botën e muzikës vijon të flasë më shumë se çdo begj verifikimi. /Telegrafi/