Në kuadër të projektit “Balkan Stone” në muajin korrik përgjatë “Global UBT Fest 2022”, është organizuar një punëtori nga Fakulteti Inxhinieri e Ndërtimit dhe Infrastrukturë në UBT me përfaqësuesit e tij, Prof. Visar Krelani dhe Prof. Hazir Çadraku, me mbështetjen e përgjegjëses së Zyrës së Projekteve në UBT, Elinda Krasniqi, përfaqësueses nga Fakulteti Arkitekturë dhe Planifikimit Urban, Prof. Mimoza Sylejmani, si dhe përfaqësuesin e Laboratorit të Materialeve në UBT, Hajriz Mazreku.
Ceremonia e hapjes së punëtorisë rreth projektit “Balkan Stone Day” është mbajtur në Parkun Shkencor Inovativ të UBT-së, në Lipjan, me prezencën e Zyrës Ndërkombëtare të UBT, Zyrës Erasmus+, profesorëve ndërkombëtarë nga universitete të ndryshme dhe përfaqësuesve të fakulteteve bashkëpunuese.
Fjalën hyrëse e mbajti drejtoresha e Zyrës Ndërkombëtare të UBT-së, Lirigzona Morina e cila theksoi rëndësinë e bashkëpunimit ndërkombëtar dhe ngritjen e kapaciteteve të programit Erasmus+. Dekani i Fakultetit të Inxhinierisë së Ndërtimit, njëherit drejtori për Çështje Akademike në UBT, Prof. Dr. Muhamet Ahmeti përshëndeti ngjarjen e “BKSTONE” në UBT, teksa zëvendësdekani i këtij fakulteti, Visar Krelani prezantoi agjendën e takimit, duke shpjeguar në detaje aktivitetet e parapara për këtë organizim.
Një prezantim i përgjithshëm për projektin “BKSTONE” është bërë nga përfaqësuesja e Zyrës së Projekteve, Elinda Krasniqi e cila prezantoi projektin dhe aktivitetet punuese që janë në vazhdim dhe lidhjen me industrinë duke u fokusuar në rezultatet e projektit.
Profesori Hazir Çadraku prezantoi studimin e tij për potencialin e gurit në Kosovë dhe përdorimin e tij lidhur me përdorimin tradicional të gurit në ndërtesa, trotuare, ura dhe lidhjen me cilësinë e tij bazuar në testet që janë bërë falë pajisjeve që janë pranuar nga projekti në Laboratorin e Materialeve të UBT-së, teksa në kuadër të aktiviteteve të ndryshme të punëtorisë janë testuar ndikime të ndryshme që mund të pasonin te betoni me qëndrueshmëri më të lartë, probleme studimi si plasaritja dhe përshkueshmëria e ujit nën presion deri tek vetitë novatore, si kapaciteti vetë-shërues i betoneve moderne.
Krahas këtyre aktiviteteve ishte ekspozita që fabrikat dhe prodhuesit e gurit organizuan lidhur me prodhimin e gurit e cila u prezantua në Parkun Shkencor Inovativ të UBT-së, ku pjesëmarrës vendas dhe ndërkombëtarë nga industria, fakulteti, studentët dhe palët e tjera të interesuara patën mundësinë të diskutojnë dhe të shohin produktet e industrisë së gurit, si dhe në bazë të agjendës, grupe të vogla pjesëmarrësish patën mundësinë të vizitojnë dhe të kryejnë disa teste qëndrueshmërie në laboratorin e materialeve të UBT-së.
Vizita e fabrikave të gurit ishte një tjetër aktivitet i rëndësishëm për të kuptuar të gjithë procesin nga minierat deri te produktet përfundimtare, ndërkaq rëndësia e bashkëpunimit me ekspertë nga Bashkimi Evropian u prezantua si një pikë kyçe dhe mundësia për të përmirësuar kurrikulat, krijimin e materialit të ri studimor, përdorimin e teknologjive më moderne në laborator dhe përmirësimin e njohurive që lidh akademinë me palët e interesuara e bëjnë këtë projekt unik dhe shumë të rëndësishme për industrinë e ardhshme të gurit.
Pas vizitës së lokalitetit në “Fabrika e Gurit” janë zhvilluar aktivitete të ndryshme sociale në Ujëvarën e Mirushës, e cila përfaqëson një rajon të pasur me gurë dhe një tjetër aktivitet social është zhvilluar në qytetin e Gjakovës, duke vizituar vendet më interesante si pazari i vjetër, xhamitë, kishat dhe ndërtesat kryesisht të ndërtuara me gurë tradicionalë dhe rajonalë.
Promo
Reklamo këtuLufta Prigozhin - Putin
Më shumëCila është koha më e mirë për të vizituar Parisin?
Dashni e vjetër, pamje e re, shije e njejtë
Edicioni i dytë i Festivalit të Shkathtësive Digjitale po vjen: Drejt qëndrueshmërisë dhe digjitalizimit në Kosovë
Destinacioni juaj i modës Stilium organizon eventin e blerjeve në Albi Mall
Përfundon periudha transitore: Nga sot, euro valuta e vetme për transaksione në Kosovë
Sebastian Hamza nga Rahoveci fiton veturën e katërt të BMW Seria 3 në LOJË E TRENT me GO+
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3