Tranferimi i ri i Liveproolit, Fabinho, ka dhënë një intervistë interesante ku ka thënë se ai nuk ka mundur t’i rrezitonte interesimit të Liverpoolit.

Fabinho ndihmoi Monacon që ta fitonte titullin në Ligue 1, por u largua drejt Ligës Premier pas interesimit të Liverpoolit.

Dhe, vendimin për t’u larguar, ai e cilëson si shumë të “thjeshtë”.

“Po, ishte shumë e lehtë. Ishte e dhimbshme që të largohem nga Monaco, një klub që më dha momente kaq të mira, por në futboll ndonjëherë ju duhet që të keni sfida të reja dhe unë mendova se ishte koha e duhur për t’u larguar”.

“Në momentin që Liverpooli deklaroi interesimin për mua, ishte vendim i lehtë për t’u bërë. Një klub me histori si Liverpooli të kërkon? Vetëm i paketoni valixhet dhe shkoni. Është nder për mua të bart fanellën e kuqe të famshme”, u shpreh Fabinho.

Fabinho shtoi se ai kurrë nuk ishte afër Manchester Unitedit, megjithë spekulimet.

“Nuk dua të mohoj se ka pasur bisedime për situatën në Monaco, por kurrë s’ka pasur ofertë zyrtare nga Manchester United”, përfundoi mesfushori. /Telegrafi/