Është tërhequr që disa vite nga aktrimi – Daniel Day-Lewis befason me ndryshimin në pamje në një paraqitje të rrallë publike

Daniel Day-Lewis dukej i lumtur dhe i relaksuar teksa u pa duke bërë një shëtitje nëpër qytetin e New Yorkut, vite pasi u tërhoq nga qendra e vëmendjes.

Aktori i famshëm njoftoi tërheqjen nga aktrimi gjashtë vjet më parë dhe që atëherë është parë shumë rrallë në publik.

Daniel, 66 vjeç, që nga viti 2017 ka jetuar një jetë shumë më të qetë, larg shkëlqimit, magjepsjes dhe vëmendjes së Hollywoodit, dhe ka bërë titujt kryesorë pasi është parë për herë të parë pas vitesh.

Fituesi i Oscar-it, i njohur më së shumti për paraqitjen në “There Will Be Blood”, kishte një pamje krejtësisht të re me flokë të gjata.

Lexo po ashtu Të gjitha lajmet nga Daniel Day-Lewis

Dhe larg elegancës, ai u pa me një xhaketë të zezë, triko të kaltër me vija dhe pantallona ngjyrë të verdhë.

Daniel dukej në formë të mirë ndërsa buzëqeshi para kamerave duke ecur dorë për dore me gruan Rebecca Miller, 60 vjeçe, me të cilën u martua në vitin 1996.

Çifti kanë bashkë dy fëmijë, djemtë: Donal Cal dhe Cashel Blake.

Day-Lewis nga ana tjetër ka edhe një djalë nga një lidhje e mëparshme.

Karriera e tij kishte zgjatur katër dekada dhe e pa atë të luante role nga të gjitha sferat e jetës, nga presidentët e SHBA-ve e deri te krerët e bandave. /Telegrafi/