LAJMI I FUNDIT:

Është pensionuar legjenda e UFC-së, Georges St-Pierre – një prej yjeve më të mëdha të arteve të përziera marciale

Është pensionuar legjenda e UFC-së, Georges St-Pierre – një prej yjeve më të mëdha të arteve të përziera marciale
Georges St-Pierre (Foto: Minas Panagiotakis/Getty Images/Guliver)

Georges St-Pierre e ka mbyllur librin e tij në UFC pas 17 vitesh karrierë në garën e famshme të arteve të përziera marciale (MMA).

Vendimi për t’u tërhequr erdhi pasi dështoi të aranzhonte një duel me kampionin e peshave të lehta, Khabib Nurmagomedov, një kundërshtar që do t’ia jepte rastin që të bëhej luftëtari i parë i UFC-së që mbante tituj në tri kategori të ndryshme.

Po të ndodhte dueli me Khabibin e pamposhtur dhe në rast se St-Pierre do të fitonte, ai padyshim se do të largohej si më i madhi i të gjitha kohërave.

Mirëpo, për shumëkënd, ai veçmë e ka epitetin e njërit prej më të mirëve në këtë sport. Kjo falë sundimit legjendar në kategorinë e peshave të mesme të lehta, ku ishte kampion gjatë viteve 2002-2013 dhe e mbrojti nëntë herë titullin.

Mënyra dominuese me të cilën i mposhtte kundërshtarët do të mbetet gjatë në mëndje të tifozëve të MMA, ndërsa në listën e humbësve ndaj tij qëndrojnë emra, si Josh Koscheck, Jake Shields, Matt Hughes e BJ Penn.


Statistika:

Duele: 28

Fitore: 26

Me nokaut: 8

Me dorëzim: 6

Me vendim të gjyqtarëve: 12

Humbje: 2

Me nokaut: 1

Me dorëzim: 1


Ai do të mbetet në listën e atyre që konkurrojnë për epitetin e më të mirit në histori të arteve të përziera marciale, si Anderson Silva, Jon Jones, Demetrious Johnson apo Fedor Emilanenko.

Georges St-Pierre gjatë duelit me Michael Bisping në vitin 2017 në New York City. (Foto: Mike Stobe/Getty Images/Guliver)

St-Pierre i ka mposhtur më të mirët në divizionin  e peshave të mesme, ndërsa për dallim nga të mëdhenjtë tjerë të kësaj gare, ai nuk ka dështuar asnjëherë në doping.

Të gjitha lajmet nga UFC
Lexo po ashtu Të gjitha lajmet nga UFC

37-vjeçari kanadez gjatë karrierës ka qenë kampion i dyfishtë në Ultimate Fighting Championship (UFC) duke fituar tituj në kategorinë e mesme të lehtë dhe në kategorinë e mesme.

Ai ishte pensionuar një herë në vitin 2013 si kampion në fuqi në kategorinë e peshave të mesme të lehta, me një rekord fitoresh në ndeshjet për titull dhe si mbrojtës i dytë më afatgjatë i titullit në histori të UFC-së (2.204 ditë) duke mbrojtur nëntë herë titullin.

Kanadezi u kthye në Tetëkëndësh në nëntor të vitit 2017 duke e mposhtur Michael Bispingun me dorëzim dhe e fitoi titullin në kategorinë e peshave të mesme dhe kështu u bë vetëm luftëtari i katërt në histori të UFC-së që mbante titull në më shumë se një kategori. /Telegrafi/

Në trend Sport

Më shumë
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Zbulohet emri i vërtetë i Kylian Mbappes - ka lënë të shokuar fansa e tij

Zbulohet emri i vërtetë i Kylian Mbappes - ka lënë të shokuar fansa e tij

Ligue 1
Kalo në kategori