Ylli i Milanit, Rafael Leao ‘ndryshoi lojën’ kundër Ganës duke shënuar edhe një gol, ndërsa pas ndeshjes, ekspertët e futbollit si Luis Goncalves dhe Didi Hamann pretendojnë se Portugalia është me e mirë me sulmuesin titullar.

Portugalia mori një fitore të vuajtur 3-2 në ndeshjen e parë të Kupës së Botës, pasi një penallti e butë e Cristiano Ronaldos u anulua nga Andre Ayeë.

Leao doli nga bankina dhe brenda një minute ata kishin rikthyer epërsinë me Joao Felix, më pas dy minuta më pas ylli i Milanit shënoi me prekjen e tij të parë.

Përgjigja ishte kryesisht unanime nga ekspertët, që mendojnë se zëvendësimi i Leaos ndryshoi lojën dhe ia siguroi fitoren Portugalisë.

Reklama

“Ishte një pjesë e parë e kujdesshme deri në zëvendësimin që ndryshoi lojën në favor të Portugezit. Prezantimi i Rafael Leaos i dha më shumë thellësi, ritëm dhe kreativitet krahut”, ka thënë fillimisht Goncalves për A Bola.

Reklama

“Inkuadrimi i Leaos ishte vendimtar. Menjëherë pas kësaj, Joao Felix shënoi, më pas Leao bëri rezultatin 3-1 me një përfundim klasi. Sa herë që portugezët rritnin ritmin, ata krijonin probleme për mbrojtjen ganeze, por pësuan 3-2 kur Joao Cancelo u fik”, përfundoi ai.

Duke folur në rolin e tij si ekspert në RTE, ish-lojtari i Liverpoolit, Hamann shkoi edhe më tej në analizën e tij të situatës.

Reklama

“Portugalia duket këmbësore me Ronaldon. Mendoj se Leao duhet të hyjë në skuadër sepse thjesht i mungon ritmi në të gjithë fushën dhe nëse nuk ke ritëm në futbollin modern, është shumë e vështirë të krijosh shanse nga loja e hapur”, përfundoi gjermani. /Telegrafi/