LAJMI I FUNDIT:

Eko-aktivisti ‘sulmon’ Mona Lisa-n me tortë në muzeun e Louvre në Paris

Eko-aktivisti ‘sulmon’ Mona Lisa-n me tortë në muzeun e Louvre në Paris

Portreti i Mona Lisa “u sulmua” por mbeti i padëmtuar kur një vizitor në muzeun e Louvre në Paris tentoi ta thyente xhamin i cili e mbron pikturën më të famshme botërore para se torta që e ai e gjuajti ra në sipërfaqen e xhamit, në një sulm i cili lidhet me mbrojtjen e ambientit.

Pamjet e postuara në rrjetet sociale shfaqin momentin kur një djalë ishte futur në muze duke qenë i ulur në një karrige me rrota.

Djaloshi, identiteti i të cilit nuk u bë i ditur, gjithashtu u pa duke hedhur edhe trëndafila në galerinë e muzeut, përcjell Telegrafi.

Autori i sulmit, i cili ishte maskuar si një grua në moshë, u ngrit nga karroca dhe gjuajti me tortë në drejtim të xhamit anti-plumb.

Sulmi me tortë e la një njollë të bardhë kremoze e të dukshme, por piktura e famshme e piktorit Leonardo da Vinci mbeti e pa dëmtuar.

“Kjo për mua është një çmenduri”, tha autori i videos ku u panë pasojat e “sulmit”.

Ndërsa zyrtarët e Muzeut të Louvre në Paris, të hënën refuzuan që të komentojnë rreth incidentit të çuditshëm i cili ndodhi të dielën. /Telegrafi/