Ekipi i CS:GO MIBR i dërgon ofertë prej 280.000 dollarësh lojtarit Lucaozy

Ekipi brazilian MIBR po kërkon të blejë Lucas “⁠Lucaozy⁠” Neves nga kontrata e tij me Fluxo , sipas një raporti nga Dust2 Brasil .

Raporti thotë se MIBR është një nga disa organizata braziliane të interesuara dhe se skuadra në pronësi të Immortals Gaming Club ofroi një ofertë të madhe prej rreth 280,000 dollarë për Lucaozy në përpjekjen e tyre të dytë për ta detyruar atë të ndryshojë fanellat që nga fillimi i vitit, shkruan HLTV.

Nëse ky transferim realizohet, atëherë Lucaozy do të zëvendësojë Tuurtle në formacionin e MIBR, i cili është ulur në stol nga organizata.

Banco @MIBR

Queria agradecer ao MIBR por ter me dado a oportunidade de participar dessa história tão importante do CS nacional. Foram momentos que nunca vou esquecer, desde a primeira viagem até o dia que consegui ir para o Major e realizar o meu sonho.

— MIBR tuurtle (@Tuurtlecs) May 31, 2023

Në anën tjetër ekipi ku luan Lucaozy për momentin, Fluxo po kërkojnë ta mbajnë yllin në listën e tyre, ku thuhet se i kanë ofruar atij një zgjatje të kontratës. “Ne synojmë të mbajmë Lucaozy në ekip”, tha organizata në një koment për Dust2 Brasil.

MIBR për momentin renditen në vendin e 30 –të në ranglistën botërore të CS:GO, dhe së fundmi fituan turneun ESL Challenger Season 45 North America.

/Telegrafi/