Hellas Verona ka konfirmuar se mesfushori Mattia Zaccagni ka rezultuar pozitiv në testin e coronavirusit, duke u bërë lojtari i 12-të në Serie i prekur nga kjo sëmundje.

24-vjeçari tashmë kishte qenë në izolim si masë paraprake sepse Verona luajti kundër Sampdorias më 8 mars dhe madje shënoi golin e skuadrës së tij.

Sampdoria më vonë zyrtarizoi disa teste pozitive, ku përfshin Manolo Gabbiadinin, Morten Thorsby, Albin Ekdal, Antonino La Gumina, Bartosz Bereszynski dhe Fabio Depaoli.

Shkon në shtatë numri i të infektuarve te Sampdoria, Bereszynski: Unë kam coronavirus Shkon në shtatë numri i të infektuarve te Sampdoria, Bereszynski: Unë kam coronavirus

Tani Zaccagni është lojtari i parë i Veronas që u gjet pozitiv në testin e sëmundjes ngjitëse të njohur si COVID-19.

Ky konfirmim i Veronas vjen vetëm disa orë pasi Juventus njoftoi se Blaise Matuidi rezultoi me coronavirus, duke u bërë lojtari i tyre i dytë pas Daniele Ruganit.

Fiorentina gjithashtu ka tre raste me coronavirus: Dusan Vlahovic, Patrick Cutrone dhe German Pezzella.

Juventusi konfirmon lojtarin e dytë me coronavirus, Matuidi tashmë gjendet në izolim Juventusi konfirmon lojtarin e dytë me coronavirus, Matuidi tashmë gjendet në izolim

Zaccagni deri më tani ka shënuar një gol dhe ka siguruar shtatë asistime në 23 paraqitje në Serie A për Veronan këtë sezon.

Ndryshe, pjesë e Veronas është edhe dyshja shqiptare Amir Rrahmani dhe Marash Kumbulla, shëndeti i të cilëve momentalisht është i mirë. /Telegrafi/