“Edhe tani, shumë prej nesh nuk janë të sigurt nëse e kam prekur topin dy herë”, Alvarez kthehet të flasë për penalltinë ndaj Real Madridit

Sezoni i parë i Julian Alvarez te Atletico Madridi është shënuar nga një moment i diskutueshëm gjatë një ndeshjeje të Ligës së Kampionëve kundër Real Madridit.

Penalltia që ai shënoi, e cila u anulua nga VAR-i për një prekje të dyfishtë të mundshme, mbetet ende një temë diskutimi.

“Gjithçka ndodhi shumë shpejt. Në atë kohë, nuk e ndjeva se ishin dy prekje, dhe nëse ishte, është shumë e vështirë ta perceptoj sepse, me këpucët, kontakti nuk është diçka që e ndjeva”, ka thënë fillimisht Alvarez.

“Në kamerat më pas, në video, duket si diçka shumë e lehtë, shumë delikate, deri në atë pikë sa, edhe tani, shumë prej nesh nuk janë të sigurt nëse ishin dy prekje apo jo”.

Lexo po ashtu Atletico Madridi publikon dy pika ku UEFA nuk iu përmbajt në anulimin e penalltisë së Alvarez

“Vendimi u mor shpejt, dhe mirë, përfundoi aty. Sinqerisht, ishte për të ardhur keq. Kishim bërë një fazë të shkëlqyer, dhe mund të kishim fituar në gjuajtjet e penalltive. Diçka e tillë të frustron vërtet”.

Penalltia shkaktoi një debat nëse Alvarez duhej të kishte protestuar te gjyqtari. Disa kritikë vunë re se ai nuk e vuri në dyshim vendimin.

“Në atë moment, mendova vetëm: ‘Ëhh, rrëshqita, por mirë, ishte një gol’. E festova dhe kaq. Gjithashtu, nuk kisha parë që kundërshtarët ta kishin vënë re ose të kishin filluar të protestonin. E panë më vonë, por nuk mund t’i tregoja gjyqtarit asgjë sepse nuk e dija nëse ishin dy prekje apo jo”.

Lexo po ashtu Penalltia e Alvarezit dhe rregulla të tjera kurioze të futbollit: A lejohet të ngjitesh në traversë apo të shënon me top të shpërthyer?

“Nuk isha i sigurt, kështu që mendova: ‘Epo, nëse e kontrollojnë VAR-in, do të vendosin bazuar në atë që shohin’. Në fund, nuk e dija që ishte kaq delikate, kaq e paqartë. Nëse do të ishin dy prekje, do ta shihnin; nëse do të ishte një, do ta shihnin. Është shumë mirë, dhe të gjithë kemi të njëjtin dyshim”, përfundoi sulmuesi.

Reflektimi i sinqertë i Alvarezit mbi këtë moment nxjerr në pah pasigurinë që rrethon vendimin, një moment që ende mbetet në mendjet si të lojtarit ashtu edhe të tifozëve. /Telegrafi/