Portieri i Manchester Cityt, Ederson u mërzit shumë kundër Norwich City ndeshjen e sotme (e shtunë) dhe vendosi të luante në mesfushë për një kohë të shkurtër.

Skuadra e Pep Guardiolës mposhti Norwich Cityn me rezultat 4-0 në CarrowRoad, me Raheem Sterling që realizoi het-trik dhe Phil Foden gjithashtu shtoi një, ndërsa kampionët shkuan në 12 pikë epërsi në krye të tabelës.

Ederson nuk ishte shumë i përfshirë në ndeshje dhe iu desh të bënte vetëm tre pritje në atë që ishte një paraqitje dominuese nga City.

Man City fiton pa vështirësi dhe thellë ndaj Norwichit të Rashicës Man City fiton pa vështirësi dhe thellë ndaj Norwichit të Rashicës

Dhe për të kuruar mërzinë e tij në pjesën e dytë, Ederson pëlqeu të kalonte dhe të luante në qendër të mesfushës.

Braziliani befasoi të gjithë kur gjatë minutës së 58-të mori një top dhe e mbante me qetësi sikurse të ishte një lojtar dhe jo një portier.

Më pas, Ederson vendosi të argëtohej pak në fushë – duke bërë disa prekje përpara se t’ia pasonte topin Fodenit dhe të vraponte përsëri në portën e tij.

Ishte kaq e pabesueshme mospërfillja nga Ederson, i cili thjesht nuk mund t’i rezistojë argëtimit në momentet kur vërtet nuk ka shumë për të bërë. /Telegrafi/