Eden Hazard mund të pensionohet në moshën 32-vjeçare

Ish-lojtari i Real Madridit, Eden Hazard, gati dy muaj pas largimit të tij nga Los Blancos, vazhdon pa gjetur skuadër dhe nuk përjashtohet mundësia që të pensionohet në moshën 32-vjeçare.

E ardhmja e pasigurt për Hazard. Real Madridi i befasoi të gjithë më 3 qershor, kur lëshoi ​​një deklaratë duke zyrtarizuar largimin e futbollistit belg.

“Real Madrid CF dhe Eden Hazard kanë arritur një marrëveshje ku lojtari ndahet nga klubi që nga 30 qershori 2023”, thuhej një njoftim.

Kur madridistët nuk kishin asnjë shpresë se ai mund të largohej këtë verë për shkak të paraqitjes së tij të dobët, në fund belgu arriti një marrëveshje për t’i dhënë fund kontratës së tij, pavarësisht se kishte ende një vit përpara.

Lexo po ashtu Zyrtare: Real Madridi largon dhe falënderon Eden Hazardin me një komunikatë me tre rreshta

Që nga 3 qershori pati shumë thashetheme dhe lajme për destinacionin e radhës të sulmuesit belg, por asnjë nuk u konkretizua.

Skuadra që tregoi më shumë interes për të ishte RWD Molenbeek, i cili sapo është rikthyer në divizionin e parë të futbollit belg dhe vëllai i tij, Kylian Hazard, luan për atë klub. Interesim i madh, por duket se Hazard nuk do të luajë me vëllain e tij.

Interesim ka pasur edhe nga Mayor League Soccer, madje belgu ka refuzuar një ofertë nga Inter Miami, kështu që lojtari mbetet ende pa skuadër.

😳👉🏻 El exjugador del Real Madrid, casi dos meses después de su salida, sigue sin encontrar equipo y no se descarta que asuma su retirada a sus 32 añoshttps://t.co/HhBDwKDSG7

— Diario AS (@diarioas) July 29, 2023

Sipas gazetës AS, pensionimi është një opsion që fiton forcë me kalimin e kohës. Lëndimet e shumta muskulore që ka pasur në vitet e tij të fundit në Madrid, minutat e pakta që ka luajtur dhe niveli i dobët i treguar do të thotë se asnjë skuadër nuk po e kërkon me ngulm belgun.

Hazard dhe familja e tij janë vendosur në Madrid, ku ndihen shumë rehat dhe ku duan të jetojnë. Kjo pikë e bën një opsion tërheqjen apo pensionimin e parakohshëm të belgut, pasi duket e pamundur që ndonjë ekip nga Madridi (Rayo Vallecano, Getafe apo Atletico Madrid) të vënë bast për nënshkrimin e tij. /Telegrafi/