Alvaro Morata do të rikthehet përsëri te Juventusi, kësaj radhe nga Atletico Madrid.

Sulmuesi spanjoll kishte kaluar dy vite te Zonja e Vjetër nga 2014 deri në 2016 si huazim nga Real Madridi.

Morata përsëri do të shkoj në Juventus si huazim, por tani kampioni italian do ta ketë të drejtën e blerjes.

Juventus dhe Atletico Madrid kanë arritur marrëveshje për huazimin e Moratas për 10 milionë euro.

Kampioni në fuqi i Italisë do ta ketë edhe mundësinë e blerjes përfundimtare të lojtarit pas një viti për 45 milionë euro të tjera.

27-vjeçari do të udhëtojë drejt Italisë sonte, derisa testet mjekësore do t’i kryej nesër.

Juve u rikthye te Morata, pasi marrëveshja me Romën për Edin Dzekon dështoi në momentet e fundit. /Telegrafi/