Paulo Dybala është ndër të pakët lojtarë që ka pasur fatin të luajë me dy yjet më të mëdha, Lionel Messin dhe Cristiano Ronaldon.

26-vjeçari luan me yllin argjentinas në kombëtare dhe me portugezin te Juventusi.

Në një intervistë për AFA Play ai ka folur për disa gjëra, duke u nisur nga deklarata e tij për Messi: “Është e vështirë të luash me Leon”.

“Ndoshta duhet ta kisha thënë më ndryshe, nuk jam përpjekur kurrë të kritikoj shokët e mi. Nuk kam biseduar me të për këtë temë. Jemi lojtarë të ngjashëm në aspektin taktik”.

“Do të më pëlqente të kisha dhënë diçka më shumë për Argjentinën dhe të arrija rezultate më të mira, si në aspektin e grupit edhe atë personal”.

“Kam luajtur pak në Botëror dhe Kupën e Amerikës, por kam respektuar gjithmonë vendimet e trajnerit. Kombëtarja është prestigj”.

“Cristiano është një person fantastik dhe shumë i shoqërueshëm. Është shumë i qetë, brenda dhe jashtë dhomave të zhveshjes”.

“Të jep këtë përshtypje për shkak të figurës, për shkak se si është, për mënyrën se si ec, por nuk ka lidhje me një tip të tillë”.

“Një ditë i thashë që e urrenin në Argjentinë për këtë shkak, ai nisi të qeshte me të madhe. ‘Po, e di, por jam mësuar tashmë me këto kritika’, u shpreh Cristiano”, tregon Dybala. /Telegrafi/