Dikur fituese i Scudettos dhe finaliste e Ligës së Kampionëve, klubi i njohur italian bie në Serie C

Një barazim 0-0 kundër Juve Stabia të martën e dërgoi Sampdorian në Serie C për herë të parë në 79 vjet histori.

Skuadra italiane Sampdoria, klubi me të cilin Gianluca Vialli dhe Roberto Mancini bënë histori në fillim të viteve të 90-ta duke fituar një Scudetto dhe duke arritur në finalen e Kupës së Evropës (Liga e Kampionëve), ka rënë në Serie C.

‘Blucerchiati’ përfunduan të 18-tët në tabelën e Serie B, duke u bashkuar me Cittadellan dhe Cosenzan në divizionin e tretë të Italisë.

Sampdoria u ndal në një barazim 0-0 jashtë fushe ndaj Juve Stabias të martën në mbrëmje në ndeshjen e fundit të sezonit të rregullt në Serie B.

🚨🇮🇹 𝐎𝐅𝐅𝐈𝐂𝐈𝐀𝐋 | Sampdoria have been RELEGATED to the 3rd tier of Italian football. 🔻

It’s the first time their history they’ve ever dropped this low…

In 1991, they won the Serie A title. They even had great moments playing in Europe. Now they’ll be in Serie C. pic.twitter.com/7IOiVQ7RcC

— EuroFoot (@eurofootcom) May 13, 2025

Klubi i njohur italian pati një sezon të vështirë, i cili filloi me Andrea Pirlon në krye. Leonardo Semplici zëvendësoi fituesin e Kupës së Botës me Italinë në vitin 2006 në dhjetor, ndërsa Alberico Evani mori drejtimin në prill, duke fituar dy ndeshje, duke barazuar tre dhe duke humbur vetëm një herë.

Brescia e Massimo Cellinos siguroi mbijetesën pas një sezoni të vështirë falë një fitoreje 2-1 ndaj Reggianas në raundin e fundit të Serie B, e cila i dërgoi Salernitana dhe Frosinone në barazh për mbijetesë.

🥲 Sampdoria deserve better.

Hope the club can bounce back quickly after their relegation to Serie C 🙏

🎥 @CadiliRoberto
pic.twitter.com/V3a03FJAJg

— Italian Football TV (@IFTVofficial) May 14, 2025

Cremonese do të takohet me fituesin e Juve Stabia-Palermo në play-off për inkuadrim në Serie A, ndërsa Spezia do të përballet me Catanzaro ose Cesena.

Sassuolo dhe Pisa janë ngjitur tashmë në divizionin më të lartë të Italisë. /Telegrafi/