Dhjetë vjet, 164 milionë euro të investuara: Barcelona më në fund ka mbrojtjen që kërkonte
Gjatë dhjetë viteve të fundit, drejtorët e ndryshëm sportivë që kanë kaluar nëpër organikën e Barcelonës kanë afruar kandidatët për t’i vendosur në mbrojtje.
Barcelona normalisht që ka kërkesa të mëdha për këtë pozitë. pasi qendërmbrojtësi duhet të dijë artin e mbrojtjes, por edhe atë të luajtur me topin.
Por me ardhjen e Mateu Alemany dhe Jordi Cruyff, duket se tashmë problemi është zgjidhur.
Por para se të vinin dyshja, klubi kishte testuar 21 lojtarë në këto pizta në 10 vitet e fundit.
Tani skuadra duket se në këtë repart ka garanci. Emra si Ronald Araujo, Andreas Christensen, Jules Kounde dhe Inigo Martínez janë përgjigjja e kësaj. Një poker lojtarësh me shumë kualitet.
Dështimi në mbrojtje pas daljes në pension të Puyol
Kur Carles Puyol vari këpucët e tij në vitin 2014, pati një boshllëk në pjesën e pasme të Barçës që drejtuesit u përpoqën ta mbyllnin shpejt.
Po atë verë, Josep María Bartomeu nënshkroi me Jan Vermaelen dhe Jeremy Mathieu, duke paguar 39 milionë euro (20 milionë për belgun dhe 19 milionë për francezët). I pari vazhdoi me dëmtime, ndërsa i dyti nuk tregoi nivel mbrojtës që kërkohej.
Në vitin 2016 erdhi Samuel Umtiti, i cili, më në fund, dukej se ishte njeriu i duhur për të zgjidhur mangësitë. Por francezi, nuk e arriti nivelin që pritej edhe shkaku i lëndimeve.
Në vitet në vijim, erdhën Yerry Mina (12.4 milionë euro), Clement Lenglet (35.9 milionë euro), Jeison Murillo (huazim: 1.2 milion) dhe Todibo (1 milion) , të cilët nuk arritën pritshmëritë.
Në vitin 2021, Araujo u vendos në ekipin e parë dhe Eric Garcia po ashtu kishte marr besimin, por mbrojtje vazhdonte të ishte larg të qenit zgjidhja ideale që kërkonte klubi.
Dy vera radhazi të suksesshme
Ardhja e Alemany që ishte dëshmuar si drejtor sportiv në Valencia dhe donte të bënte të njëjtën gjë në Barcelonë, i shoqëruar nga Jordi Cruyff, filloi te sillte sukses. Ata i besuan udhëheqjes mbrojtëse të Araujo dhe kërkuan dy emra: Andreas Christensen dhe Jules Kounde.
Investimi për mbrojtësin francez ishte i madh, 50 milionë euro, por tani për tani duket një bast i suksesshëm, pasi që në sezonin e tij të parë si lojtar i Barçës, ai ka arritur të gjendet, aty ku i është kërkuar.
Sezoni 2022/23 në nivelin mbrojtës te FC Barcelona doli të ishte i jashtëzakonshëm, me një mbrojtje që dukej e padepërtueshme.
Megjithatë, kishte ende një boshllëk. Xavi nuk i besonte Eric Garcías dhe asnjë lojtar të ri tjetër.
Për këtë arsye, këtë verë klubi afroi Inigo Martinezin, i cili duket si njeriu ideal për të kompletuar forcën mbrojtëse të Barçës. Në këtë mënyrë, pas 164.5 milionë eurove të investuara për të gjetur një mbrojtje të garantuar, Barca duhet të jetë e kënaqur, pasi tashmë e kanë.
Akademia nuk dha fryte
Bazuar në shembullin e Gerard Pique dhe Carles Puyol, të dy të stërvitur në akademinë Blaugrana dhe me sukses të jashtëzakonshëm në ekipin e parë, zgjidhja e problemeve të mbrojtjes së Barçës, mendohej se mund të ishte pikërisht nga aty.
Gjatë dhjetë viteve të fundit, deri në dhjetë mbrojtës të Barcelona ‘B’ kanë debutuar në ekipin e parë. Megjithatë, i vetmi që ishte në gjendje të integrohej ishte Araujo. Nga pjesa tjetër, asnjë nuk ia arriti. U tentua edhe të bëhej diçka me para, kur u ble Marlon Santon, për pesë milionë. E vërteta është se nënshkrimi i brazilianit nuk dha fryte sportivisht, por financiarisht po, pasi u shit për 12 milionë euro te Sassuolo.
Përveç tyre, nga 2013/14 e deri më sot, në ekipin e parë debutuan Mingueza, Patric, Edgar Ié, Borja López, David Costas, Jorge Cuenca, Mika Mármol dhe Chadi Riad. /Telegrafi/
Lufta Prigozhin - Putin
Më shumëNga Rubrika
Barcelona detyrohet të largojë nga ekipi top yllin për shkak të problemeve të mëdha financiare
Largimi i Ten Hag punë e kryer, Manchester United nis bisedimet me trajnerin e njohur evropian
Alexander Isak thyen një rekord të madh të Zlatan Ibrahimovic në Ligën Premier
Dalin pamje të reja që tregojnë veprimin që bëri Salah pas përfundimit të ndeshjes
Dikur shkëlqente tek Liverpooli, tani është përjashtuar nga ekipi amator në moshën 28-vjeçare
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Ish-sulmuesi i Anglisë me akuza të rënda ndaj Klopp: Pa Salah, nuk do të kishin fituar asgjë
Pamje të reja nga përplasja e Salahut me Kloppin tregojnë saktësisht se çfarë ka ndodhur
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur