LAJMI I FUNDIT:

Dhjetë ekipet kombëtare më të vlefshme në Euro 2024 – Vendi i parë prinë bindshëm

Dhjetë ekipet kombëtare më të vlefshme në Euro 2024 – Vendi i parë prinë bindshëm

Kombëtarja e Anglisë ka bindshëm ekipin më të shtrenjtë apo më të vlefshëm në Kampionatin Evropian “Gjemani 2024”.

Nivelet e emocioneve po rriten përpara Euro 2024. Gjithçka fillon të premten në mbrëmje, ndërsa Gjermania nikoqire përballet me Skocinë në Mynih.

Qindra mijëra mbështetës nga e gjithë Evropa do të zbresin në Gjermani për festivalin njëmujor të futbollit. 24 kombe do të marrin pjesë në edicionin e 17-të të Kampionatit Evropian, por Italia ka shumë pak gjasa të ruajë kurorën e saj.

Disa nga lojtarët më të mëdhenj në planet do të konkurrojnë në Gjermani me Kylian Mbappe që synon të udhëheqë Francën drejt lavdisë pasi vulosi lëvizjen e tij të stërzgjatur në Real Madrid. Franca do të jetë ndër favoritët krahas Anglisë, Portugalisë dhe Gjermanisë.

A mund të shijojë Cristiano Ronaldo një këngë mjellmë ndërkombëtare? A do të  shkëlqejë Jude Bellingham në skenën më të madhe apo Florian Wirtz do të shfaqet si ylli i turneut?

Të gjitha do të zbulohen gjatë muajit të ardhshëm, por faqja e specializuar e Transfermarkt ka vlerësuar skuadrat më të vlefshme në Euro 2024 bazuar në vlerat e tregut.

Dhjetë skuadrat më të vlefshme në Euro 2024

Anglia ka skuadrën më të vlefshme në Euro 2024 me vlerën e kombinuar të tregut të 26 lojtarëve të saj që qëndron në 1.52 miliardë euro.

Gareth Southgate ka pesë lojtarë në dispozicion të tij me vlerësime prej 100 milionë euro ose më shumë – Harry Kane, Declan Rice, Bukayo Saka, Phil Foden dhe Bellingham.

Franca renditet e dyta për skuadrat më të vlefshme në Euro 2024 me Mbappen lojtarin e tyre më të vlefshëm me 180 milionë euro.

Mbappe do të lidhet me Aurelien Tchouameni dhe Eduardo Camavinga në Real Madrid dhe mesfushorët janë dy lojtarët e tjerë të Francës me vlerë 100 milionë euro ose më shumë.

I vetmi komb tjetër me një vlerë skuadre që eklipson vlerën 1 miliard euro është Portugalia, por Ronaldo nuk është më ylli i tyre. 39-vjeçari nuk është më një titullar i garantuar dhe sulmuesi legjendar ka vlerën e gjashtë më të ulët në treg në skuadrën portugeze me 15 milionë euro.

Ndërsa Portugalia nuk ka lojtarë të vlerësuar mbi 100 milionë euro, por Reben Dias,  Bruno Fernandes dhe  Bernardo Silva mbeten lojtarë të nivelit të lartë.

Spanja shihet si një ‘lojtar’ i jashtëm masiv për turneun, por ata kanë skuadrën e katërt më të vlefshme (966 milionë euro) me Rodrin yllin e tyre më të vlefshëm me 120 milionë euro, ndërsa 16-vjeçari Lamine Yamal (90 milionë euro) është një tjetër lojtar për t’u parë.

Gjermania është skuadra e pestë më e vlefshme (851 milionë euro) me Wirtz (130 milionë euro) dhe Jamal Musiala (120 milionë euro) të vlerësuar për të qenë ndër yjet e turneut.

Pas tyre vijnë Holanda e gjashta me vlerë 845 milionë euro, Italia e shtata me 706 milionë euro, Belgjika e teta me 585 milionë euro, Danimarka e nënta me 416 milionë euro dhe Ukraina mbyll dhjetëshen me vlerë të ekipit prej 379 milionë euro.

Skuadra e Kombëtares së Shqipërisë ka vlerën më të ulët të kombinuar në treg në Euro 2024 me vlerë prej 112 milionë euro. /Telegrafi/

Në trend Sport

Më shumë
Mësoni pse Holandës iu anulua goli i Xavi Simons kundër Francës

Mësoni pse Holandës iu anulua goli i Xavi Simons kundër Francës

Përfaqësueset

"Ndaj tij do të zbatohen sanksione disiplinore dhe financiare" - klubi i Rubin Kazanit me reagim për situatën e Mirlind Dakut

Përfaqësueset
Rakitic shpërndan një postim që trazon ujërat te kroatët, pas barazimit me Shqipërinë

Rakitic shpërndan një postim që trazon ujërat te kroatët, pas barazimit me Shqipërinë

Përfaqësueset
Polonia bëhet ekipi i parë që eliminohet në fazën e gupeve në Euro 2024

Polonia bëhet ekipi i parë që eliminohet në fazën e gupeve në Euro 2024

Përfaqësueset
Arda Guler në dyshim te Turqia përpara ndeshjes kundër Portugalisë

Arda Guler në dyshim te Turqia përpara ndeshjes kundër Portugalisë

Përfaqësueset
Sylvinho bën premtimin e madh për popullin shqiptar për ndeshjen me Spanjën

Sylvinho bën premtimin e madh për popullin shqiptar për ndeshjen me Spanjën

Kombëtarja e Shqipërisë
Kalo në kategori