Dhjetë ‘djemtë e këqij’ të Ligës Premier – Nga Suarez që kafshoi e deri te Erik Cantona që e rrahu tifozin (Foto)

Liga Premier njihet si një prej kampionateve më të forta në botë dhe loja e ashpër ka qenë gjithmonë prezent.

Gjatë gjithë javës Sport Mail ka publikuar një top-50  ku shihen lojtarët që kanë shkaktuar probleme në Ligën Premier.

Kjo listë nuk i ka futur vetëm lojtarët e ashpër në lojë, por edhe gjestet e tyre tjera.

Më poshtë është lista prej 10 lojtarëve më të ashpër apo siç i quajnë ‘djemtë e këqij’. /Telegrafi/

10.Luis Suarez

Ai kishte paraqitje brilante me Liverpoolin, por kishte dhe momente që nuk mund të ishte krenar. Ai u akuzua edhe për racizëm.

Në vitin 2011 ai u akuzua nga mbrojtësi i Manchester United, Patrice Evra. Suarez kishte kafshuar edhe Branislav Ivanovicin dhe ishte dënuar me 17 ndeshje.

9.Paolo Di Canio

Italiani ka dhuruar shumë emocione në Ligën Premier, por që ka pasur edhe momente jo të mira.

Ai kishe bërë edhe gjëra të mira siç ishte ajo kundër Evertonit kur portieri u lëndua dhe topi erdhi te Di Canio i cili nuk gjuajti në portë, por e dërgoi jashtë.

Ai kishte kapur për fyti një lojtar të Fulham dhe ishte dënuar me 11 ndeshje.

8.Joey Barton

Barton që tani u dënua me 18 muaj mos lojë shkaku i basteve të paligjshme gjithmonë kas pasur një karrierë me zhurmë dhe skandale.

Ai në vitin 2011 sulmoi shokun e tij të skuadrës Ousmane Dabo. Ai gjatë karrierës u kapur me shtatë bashkëlojtarë.

7.Neil Ruddock

Në vitin 1990 Liga Premier ka pasur disa mbrojtës të njohur dhe Ruddock ishte një nga ta.

Ai kishte një grindje në fushë me Eric Cantona, ku u kapën fyt me fyt.

6.Julian Dicks

Nëse Ruddock ishte i vështirë, Dicks ishte padyshim edhe më i vështirë dhe e fitoi pseudonimin ‘Terminatori’.

Dicks njihet për goditjen me kokë të John Spencer të Chelseat në 1995.

5.Roy Keane

Mesfushori i njohur përveç shumë trofe të fitua me Manchester United, Keane ka marrë edhe 11 kartonë të kuq duke marrë një reputacion të frikshëm.

Ai njihej për njeri të mirë, por në gushë ishte i pamëshirshëm. Nga ana tjetër, ai e lëndoi norvegjezin  Alf Inge Haaland, e që iu deshtë ta lërë karrierën. Ai kishte gjithashtu një rivalitet të madh me Patrick Vieiran.

4.Dennis Wise

Wise ishte lojtar i shkëlqyer, por në sezonin 1998-99 humbi 15 ndeshje shkaku i suspendimeve.

Ai ka fituar disa trofe dhe kishte 21 paraqitje me Anglinë. Karrierës i dha fund kur ia theu mjekrën një bashkëlojtari te Leicester City.

3.Duncan Ferguson

‘Duncan Shkatërruesi’ ishte nofka e tij. AI ka rekordin e kartonëve të kuq në një kampionat me tetë.

2.Vinnie Jones

Një djalosh origjinal i Ligës Premier që mund të quhet i ashpër, pasi që 12 herë është larguar nga loja me kartonë të kuq.

Jones nuk njihej për paraqitjet e tij teknike, por për ashpërsinë. Ai është bërë një aktor i njohur ku ka luajtur në shumë filma.

1.Eric Cantona

Cantona ka qenë një lojtar brilant– por kishte shumë raste kur ai nuk u tregua i tillë në fushë.

Në ndeshjen ndaj Crystal Palace në janar të vitit 1995, Cantona e goditi një tifoz kundërshtarë me stilin kung-fu. Ai ishte dënuar me tetë muaj.

Cantona ishte tip i ftohtë. Skuqja e tij e disa herë, sjellja shumë e ftohtë, plus momentet e mosdisiplinës, janë ato që e vënë Cantonan në krye të listës. /Telegrafi/