Dështon meçi mes Tyson Furyt dhe Oleksandr Usyk

Dueli i padiskutueshëm i peshave të rënda mes Tyson Fury dhe Oleksandr Usyk i caktuar për datën 29 prill ka dështuar, sipas menaxherit të ukrainasit.

“Pavarësisht se sa shumë u kompromentua Usyk, ai ishte i shtyrë për më shumë”, ka thënë Egis Klimas, raportuar fillimisht nga Steve Kim.

Ka pasur një luftë fjalësh prej kohësh mes dy kampeve, dhe ndërsa është diskutuar data e 29 prillit për një takim madhështor në stadiumin Wembley të Londrës, asgjë nuk ishte konfirmuar.

Lexo po ashtu Caktohet afat kohor për duelin mes Tyson Furyt dhe Oleksandr Usyk

Frank Warren, promovuesi i Furyt shpreson se një marrëveshje mund të ringjallet në 24 orët e ardhshme, por gjasat janë që kjo mosmarrëveshje e vonë mund të jetë fatale.

Javën e kaluar,  Gypsy King këmbënguli se meçi përfundimisht do të zhvillohej dhe se ai kishte hyrë në një pauzë të rrjeteve sociale, pasi do të fillonte stërvitjet për luftën.

Por, menaxheri i ukrainasit dhe këshilltari për një kohë të gjatë i Usyk, Klimas lëshoi ​​një deklaratë të prerë për skuadrën e Furyt, dhe se Usyk do të përqendrohet në mbrojtjen e detyrueshme të titullit të tij WBA kundër Daniel Dubois. /Telegrafi/

“No matter how much Usyk compromised, he was pushed for more," Usyk's manager, Egis Klimas, told @SteveKim323, who first reported that talks had fallen apart.

— Mike Coppinger (@MikeCoppinger) March 22, 2023