LAJMI I FUNDIT:

Dëshmia tronditëse: El Chapo i mallkonte, torturonte dhe i vriste armiqtë – njërin prej tyre urdhëroi të varrosej i gjallë

Dëshmia tronditëse: El Chapo i mallkonte, torturonte dhe i vriste armiqtë – njërin prej tyre urdhëroi të varrosej i gjallë

Një dëshmitar kundër Joaquín “El Chapo” Guzman ka dëshmuar të enjten se bosi meksikan i drogës i merrte në pyetje, torturonte dhe i qëllonte me armë disa prej armiqve të tij – madje ai urdhëroi për njërin që të varroset, edhe pse ishte ende i gjallë.

Sipas mediave të huaja, përcjell Telegrafi, Isaias Valdez Rios, ish-roje sigurie, ndihmës personal dhe pilot i Guzman, u ka treguar gjykatësve një pikëpamje për dhunën që tronditi Meksikën në 2006 dhe 2007 derisa kartelët rivalë të drogës luftonin për epërsi në kontrabandën e narkotikëve në Shtetet e Bashkuara dhe vende të tjera.

Sipas dëshmisë, disa nga betejat përfshinin ekipet e personave të armatosur të njohur si “pistoleros” dhe qëlluan njerëzit të quajtur “sicarios”.

Por Valdez, duke dëshmuar nëpërmjet një përkthyesi spanjoll, tha se Guzman të paktën dy herë mori një rol të rëndësishëm në dhunën vrasëse.

Ai ka kujtuar një moment kur atij i kishin sjellë një “lajm dhuratë” duke ia sjellë dy burra nga një bandë rivale në Meksiko.

Gjyqi i famshëm i lordit të drogës, gruaja e El Chapo-s “vjedh” vëmendjen e mediave (Video)
Lexo po ashtu Gjyqi i famshëm i lordit të drogës, gruaja e El Chapo-s “vjedh” vëmendjen e mediave (Video)

Bosi urdhëroi ekuipazhin e tij për t’i vendosur burrat në një kasolle druri dhe “filloi t’i godiste ata, duke pritur që ata të thoshin diçka… për të zbuluar disa informacione”, u tha Valdez gjykatësve.

Ai e përshkroi atë si një rrahje të egër, sipas të cilit kishte zgjatur rreth tri orë.

Shefi më pas vrau njerëzit e plagosur me armën e tij.

“Guzman ishte i zemëruar”, tha ai, “sepse burrat kishin lindur në Sinaloa, por shkuan për të punuar për një kartel droge gjetkë”.

“Ju …., si është e mundur që ju të jeni duke punuar për këta njerëz dhe duke na tradhtuar?”, ka cituar Valdez, Guzmanin.

Valdez më tej ka rrëfyer se si një ndihmës i Guzman me nofkën Bravo i tha atij se shefi i kishte urdhëruar njerëzit e tij të hapnin një vrimë të madhe, ta mbushnin atë me dru dhe të ndiznin një zjarr të madh.

Pasuria e tij vlerësohet 14 miliardë dollarë, por amerikanët nuk po mund të gjejnë asnjë dollar të El Chapo-s
Lexo po ashtu Pasuria e tij vlerësohet 14 miliardë dollarë, por amerikanët nuk po mund të gjejnë asnjë dollar të El Chapo-s

Guzman pastaj ka urdhëruar ekuipazhin e tij për të dërguar njerëzit atje.

Të plagosurit “po shihnin zjarrin, fytyrat e tyre dukeshin sikur ishin të frikësuar”, ka rrëfyer dëshmitari.

“Guzmán vuri pushkën e tij në kokën e një prej burrave dhe e qëlloi atë”, tha Valdez. “Ai bëri të njëjtën gjë me njeriun e dytë”, tha dëshmitari.

Pas kësaj, shefi urdhëroi ekipin e tij për të vënë trupat në zjarr, ka shtuar Valdez.

“Unë nuk dua që asnjë eshtër të mbetet”, citohet të ketë urdhëruar Guzman. “Burrat e Guzmanit shtuan dru që mbanin zjarrin që digjej gjithë natën”.

Valdez u tha gjykatësve se ai pa shefin e tij të marrë pjesë personalisht edhe në një ekzekutim të dytë. Me këtë rast, siç ai dëshmoi, objektivi ishte një anëtar i një karteli tjetër rival të drogës, përcjell Telegrafi.

“Ai ishte sjellë në kampin e Guzmanit, i lidhur dhe me sy të mbyllur”, ka thënë Valdez. Pas kësaj, Guzman urdhëroi Valdezin dhe të tjerët nga grupi i tij për të gërmuar një vrimë.

“Guzman e pyeti atë”, tha Valdez dhe “pastaj e qëlloi atë me një pistoletë”.

Por çfarë është edhe më e tmerrshme, sipas dëshmisë së Valdez, derisa ai po luftonte me jetën, Guzman urdhëroi njerëzit e tij për ta varrosur në gropën e gërmuar.

Guzman, i ulur në tryezën e mbrojtjes me një kostum të zi dhe me kravatë të pandryshuar, tregoi pak emocion gjatë dëshmisë.

Valdez është i fundit në një seri të bashkëpunëtorëve të ish Guzmán për të dëshmuar kundër ish shefit të tyre.

Zotëruesi i supozuar i drogës akuzohet për kontrabandën e toneve të kokainës, heroinës dhe drogave të tjera në Shtetet e Bashkuara. Nëse dënohet, ai mund të dënohet me burgim të përjetshëm. Ai nuk është i akuzuar për vrasje. /Telegrafi/

Në trend Botë

Më shumë
Xhakarta më nuk do të jetë kryeqyteti i Indonezisë

Xhakarta më nuk do të jetë kryeqyteti i Indonezisë

Azia
Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Ukrainasit shkatërrojnë me dron kamikaz autoblindën e rrallë ruse, që për herë të parë u përdor në katastrofën bërthamore të Çernobilit

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Scholz: Paqja në Ukrainë është e mundur në çdo moment, vetëm Putin le t’i tërheq trupat

Scholz: Paqja në Ukrainë është e mundur në çdo moment, vetëm Putin le t’i tërheq trupat

Evropa
Ukrainasit godasin me HIMARS-in amerikan sistemin e mbrojtjes kundërajrore ruse BUK – e hedhin në erë me goditjen direkte

Ukrainasit godasin me HIMARS-in amerikan sistemin e mbrojtjes kundërajrore ruse BUK – e hedhin në erë me goditjen direkte

Evropa
Ukraina po përpiqet të krijojë lidhje me aleatin historik të Rusisë, Indinë

Ukraina po përpiqet të krijojë lidhje me aleatin historik të Rusisë, Indinë

Botë
Kalo në kategori