Derisa Mendy po qëndron në burg, Guardiola lëshoi deklarata interesante për francezin që akuzohet për përdhunime
Trajneri i Manchester Cityt, Pep Guardiola, ka deklaruar në gjyq se nuk e kishte idenë se çfarë i akuzuari për përdhunim Benjamin Mendy bëri jashtë fushës pasi ai nuk është babai i tij.
Strategu spanjoll ka thënë se mbrojtësi francez ishte një djalë i lumtur dhe qesharak dhe do të ishte e vështirë të gjente dikë në dhomat e zhveshjes që do të fliste keq për të. Ai tha se ishte i vetëdijshëm se lojtari theu kufizimet e bllokimit në vitin 2020 duke mbajtur festa dhe tha se dyshja kishin një bisedë.
“Sigurisht që nuk isha i lumtur. Ne folëm për këtë dhe ai pranoi se nuk bëri gjënë e duhur”, ka bërë të ditur Guardiola.
I pyetur nëse ishte në dijeni të akuzave me të cilat përballej Mendy, spanjolli tha se i ishte kërkuar të vinte në gjykatë nga 28-vjeçari për të dhënë dëshmi rreth karakterit të tij, duke shtuar: “Dhe kjo është arsyeja pse unë jam këtu”.
Mendy akuzohet se ka përdhunuar dhe sulmuar seksualisht gjithsej gjashtë gra të ndryshme në pesë raste të ndryshme në shtëpinë e tij në Mottram St Andreë midis tetorit të vitit 2018 dhe gushtit të vitit të kaluar.
Mendy mohon shtatë akuza për përdhunim, një akuzë për tentativë përdhunimi dhe një akuzë për sulm seksual.
Guardiola shtoi para trupit gjykues në Chester Crown Court këtë pasdite se ai vuri re Mendyn kur ai po luante për Monacon dhe mundi Manchester Cityn në një ndeshje.
“Ne ishim vërtet të impresionuar si klub, ai kishte potencialin të luante me ne. Mendoj se ai është një djalë bujar dhe u përshtat shumë shpejt me ekipin. Unë do të thoja se ai ishte i lumtur kur mund të ndihmonte (lojtarët) e tjerë. Më kujtohet, kur i kërkonit diçka për shokun e tij ose për klubin, gjithmonë ai ishte në gjendje ta bënte atë”.
“Dhe ai është një djalë shakagji. Ai ishte lojtari më i lumtur në skuadër – do të thosha më shumë se në fushë – në seancat stërvitore”.
I pyetur nga avokatja e Mendyt, Eleanor Laws KC nëse ai e dinte se Mendy e shijonte jetën e tij shoqërore, Guardiola u përgjigj: “Unë mund t’i shoh lojtarët kur jemi bashkë në seancat stërvitore. Në jetën e tyre private nuk e di se çfarë bëjnë”.
“Unë nuk jam aktiv në mediat sociale, kështu që nuk i ndjek lojtarët e mi në mediat sociale, kështu që nuk e di se çfarë po bënin jashtë kontrollit tim të seancave stërvitore dhe ndeshjeve”.
Zonja Laws shtoi tutje: “Interesi juaj është se si është ai në fushë dhe në seancat stërvitore”.
Guardiola u përgjigj: “Absolutisht jo – unë nuk jam babai i tij”.
“Ne kemi 22 lojtarë – nuk mund t’i kontrolloj ata jashtë fushës dhe nëse nuk janë të gatshëm të bëjnë seanca stërvitore do ta vëreja menjëherë. Kjo është ajo për të cilën unë kujdesem dhe i kushtoj vëmendje”, vazhdoi spanjolli. /Telegrafi/
Lufta Prigozhin - Putin
Më shumëTeknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Girona synon transferimin e yllit të Barcelonës si lojtar i lirë në fund të sezonit
Juventusi mëson çmimin që duhet të paguajë për transferimin e Edon Zhegrovës
Arda Guler dëshmon pse e bleu Real Madridi – shënon gol ndaj Real Sociedadit
Mjafton goli i Guler, Real Madridi arkëton tri pikë në udhëtim tek Real Sociedadi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre