Del Bosque: Topi i Artë humbet gjitha vlerat nëse Messi nuk është aty  

Ish-trajneri i Real Madridit dhe Spanjës, Vicente del Bosque ka shprehur habinë e tij me raportet e mediave, duke vënë në dyshim vlerën e shpërblimit të Topit të Art në mungesë të Lionel Messit.

Gjatë javëve të fundit është përfolur se në treshen finale të Topit të Artë do të mungojë ylli argjentinas, Messi dhe këto raporte e kanë habitur trajnerin del Bosque.

Lexo po ashtu Spekulimet për Topin e Artë: Modric, Varane, Mbappe e Griezmann - favoritët kryesorë

“Unë jam shumë i habitur që Messi nuk është aty”, ka thënë fillimisht Del Bosque për gazetën Marca.

“Mendoj se çmimi humbet të gjitha vlerat nëse ai nuk është në mesin e lojtarëve më të mirë në botë”.

“Është, të paktën, pak e çuditshme”.

Lexo po ashtu Messi: Qëllim i është që të zhvillohem si futbollist, jo çmimet individuale

Ish-menaxheri i Spanjës gjithashtu shprehu kënaqësinë se si është e hapur La Liga për momentin.

“Është mirë që Sevilla është liderë dhe se LaLiga është e barabartë, sepse do të thotë se ekipet e tjera kanë më shumë mundësi”.

Lexo po ashtu Carlos, Drogba, Ronaldinho dhe Buffon zbulojnë favoritët e tyre për Topin e Artë

“Atletico, Reali dhe Barcelona janë paksa përpara, por futbolli duhet të jetë një garë më e hapur”, përfundoi trajneri spanjoll.

Ndryshe, ceremonia e ndarjes së Topit të Artë do të mbahet me 3 dhjetor në Paris, ku as Cristiano Ronaldo nuk besohet se do të jetë finalistë. /Telegrafi/