Ish përzgjedhësi i Shqipërisë, Gianni de Biasi ka folur për formën e mirë që po e kalojnë dyshja e mbrojtjes te Hellas Verona, Amir Rrahmani dhe Marash Kumbulla.   

De Biasi në një intervistë për Radio Kiss Kiss, nënvizoi se dyshja shqiptare e pëlqyer nga klubet e njohura italiane, po tregojnë formë të lartë dhe do të ishin blerje perfektë për klubet e mëdha.

Fillimisht u ndal te Rrahmani, ku tha se Napoli do të fitonte shumë nëse do të nënshkruante me të.

“Rrahmani është një lojtar që ka treguar se nuk vuan nga rëndësia e Serie A. Ai ka shumë personalitet”.

“Ai është një lojtar shumë i fortë, me teknikë të mirë, që mund të jetë rasti i Napolit sepse është një i ri i talentuar”.

 

Ndërsa Marash Kumbullën e sheh si lojtar me të ardhme të madhe para tij.

“Kumbulla ka personalitet, është shumë agresiv, i matur dhe është i mirë në lojën ajrore: ai ka një të ardhme të ndritshme përpara tij”, ka thënë De Biasi. /Telegrafi/